Андрэ Шурле

А́ндрэ Шу́рле (па-нямецку: André Schürrle; нар. 6 лістапада 1990 году, Людвігсгафэн-ам-Райн, Нямеччына) — былы нямецкі футбаліст, нападнік. На сваім рахунку мае выступы ў складзе нацыянальнай зборнай Нямеччыны.

Андрэ Шурле
Пэрсанальная інфармацыя
Нарадзіўся	6 лістапада 1990(1990-11-06)[1][2] (34 гады) Людвігсгафэн-ам-Райн[d], Райнлянд-Пфальц, Нямеччына[3]
Рост	184 см
Вага	74 кг
Пазыцыя	флянгавы паўабаронца, нападнік, паўабаронца
Клюбы
Гады	Клюб	Гульні (галы)¹
2009—2011	Майнц	66 (20)
2011—2013	Баер Левэркузэн	65 (18)
2013—2015	Чэлсі	44 (11)
2015—2016	Вольфсбург	43 (10)
2016—2020	Барусія Дортмунд	33 (3)
2018—2019	→ Фулгэм	24 (6)
2019—2020	→ Спартак Масква	13 (1)
Зборныя
2009	Нямеччына (да 20)[d]	1 (1)
2009—2010	Нямеччына (да 21)[d]	4 (3)
2010—2017	Нямеччына	57 (22)

Кар’ера

«Майнц 05»

Упершыню выйшаў на поле ў якасьці гульца асноўнай каманды «Майнц 05» 8 жніўня 2009 году ў матчы супраць «Баеру», які скончыўся зь лікам 2:2. Свае першыя два галы забіў 19 верасьня таго ж году ў матчы супраць «Бохуму». Дзякуючы дублю Шурле «Майнц», прайграючы па ходу матча 1:2, атрымаў перамогу зь лікам 3:2. Крыху пазьней на тым жа тыдні Шурле падпісаў прафэсійны кантракт з клюбам. Паводле выніках таго сэзона ён забіў 5 галоў і аддаў 3 галявыя перадачы.

«Баер»

У верасьні 2010 году Шурле падпісаў зь левэркузэнскім «Баерам» дамову тэрмінам да 30 ліпеня 2016 году. Сума трансфэру склала каля 8 млн эўра.

«Чэлсі»

Андрэ ў складзе «Чэлсі»

18 красавіка 2013 году было абвешчана, што дырэктар «Баеру» Рудзі Фёлер паехаў у Лёндан, каб правесьці перамовы з «Чэлсі» на трансфэр Шурле, аднак сума пераходу яшчэ не была ўзгоднена^[4]. 13 чэрвеня 2013 году «Чэлсі» пацьвердзіў, што яны дасягнулі пагадненьня зь Леверкузэнам да пераходу Андрэ^[5].

18 жніўня 2013 году Шурле дэбютаваў у складзе «Чэлсі», выйшаўшы на 67-й хвіліне на зьмену Кевіну дэ Бройнэ ў матчы Прэм’ер-Лігі супраць «Гал Сіці», які скончыўся зь лікам 2:0 на карысьць лёнданцаў. Першы гол гульца за новую каманду прыйшоўся на хатнюю перамогу 2:1 над «Манчэстэр Сіці» 27 кастрычніка 2013 году^[6].

1 сакавіка 2014 году Шурле забіў свой першы хет-трык у ангельскім клюбе, у выязным матчы супраць «Фулгэму», які скончыўся зь лікам 1:3^[7]. Падчас сваёй кар’еры ў лёнданскім клюбе Андрэ амаль заўсёды пачанаў матч з лаўцы запасных гульцоў.

«Вольфсбург»

2 лютага 2015 году Шурле быў прадстаўлены як навак клюбу «Вольфсбург», які на той момант займаў 2 радок у чэмпіянаце Нямеччыны. Паводле зьвестак сума трансфэру склала 22 мільёнаў фунтаў стэрлінгаў^[8].

Міжнародная кар’ера

У лістападзе 2010 году Шурле быў прызваны ў склад нацыянальнай зборнай Нямеччыны^[9]. Дэбютаваў у таварыскім матчы супраць зборнай Швэцыі, выйшаўшына замену на 79-й хвіліне. Андрэ Шурле й Марыё Гёцэ зьяўляюцца першымі гульцамі нацыянальнай, якія нарадзіліся ўжо ў аб’яднанай Нямеччыне^[10]. На чэмпіянаце сьвету 2014 году Андрэ зрабіў галявую перадачу на Марыё Гёцэ, які забіў пераможны гол у браму аргентынскага брамніка Сэрхіё Рамэра ў фінальным матчы турніры.

Дасягненьні

«Чэлсі»:

• Чэмпіён Ангельшчыны: 2015

«Вольфсбург»:

• Уладальнік Кубка Нямеччыны: 2015
• Уладальнік Супэркубка Нямеччыны: 2015

«Барусія»:

• Уладальнік Кубка Нямеччыны: 2017

Нямеччына:

• Чэмпіён сьвету: 2014