Берастэчка

Берастэчка (па-ўкраінску: Берестечко) — места ў Гарохаўскім раёне Валынскай вобласьці Ўкраіны, на рацэ Стыры. Насельніцтва на 2022 год — 1630 чал. Знаходзіцца за 47 км ад Луцку, за 28 ад чыгуначнай станцыі Гарохаў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Берасьцечка (неадназначнасьць).

Берастэчка
укр. Берестечко
Капліца Сьвятой Тэклі
Герб Берастэчкі Сьцяг Берастэчкі
Першыя згадкі:	1445
Магдэбурскае права:	24 чэрвеня 1559
Краіна:	Украіна
Вобласьць:	Валынская
Раён:	Гарохаўскі
Плошча:	1,98 км²
Вышыня:	200 м н. у. м.
Насельніцтва (2022)
колькасьць:	1630 чал.[1]
шчыльнасьць:	823,23 чал./км²
Часавы пас:	UTC+2
летні час:	UTC+3
Тэлефонны код:	+380-3379
Паштовы індэкс:	45765
КОАТУУ:	0720810300
Геаграфічныя каардынаты:	50°21′0″ пн. ш. 25°7′0″ у. д.
Берастэчка на мапе Ўкраіны Берастэчка
Галерэя здымкаў у Вікісховішчы
http://berestechko.miskrada.org.ua/

Этымалёгія назвы

Паводле адной з вэрсіяў, паселішча атрымала сваю назву ў гонар беларускага места Берасьце, перасяленцы зь якога былі ягонымі заснавальнікамі. Аднак найбольш імаверным зьяўляецца зьвязак тапоніму зь берастам (адмена вяза).

Гісторыя

• 1445: першы пісьмовы ўспамін пра сяло Берасткі Перамыльскай воласьці ў грамаце вялікага князя Казімера; у складзе Вялікага Княства Літоўскага.
• XV — пач. XVI стагодзьдзяў: валоданьне Багавіцінаў, пазьней перайшло да Пронскіх.
• 24 чэрвеня 1559: атрымала Магдэбурскае права.^[2]
• 1565/66: у Валынскім ваяводзтве.
• 1569: згодна з умовамі Люблінскай уніі перайшло ў Каралеўства Польскае.
• 1585—1654: у Берастэчку дзейнічаў арыянскі збор, у сяр. XVII ст. места было галоўным цэнтрам арыянства на Валыні.
• 1629: у Берастэчку было 389 дымоў, у 1648 року іхная колькасьць скарацілася да 315.^[2]
• 28 чэрвеня — 10 ліпеня 1651: каля Берастэчка войскі Рэчы Паспалітай разьбілі казацкія загоны Багдана Хмяльніцага і войска ягонага хаўрусьніка Ісьляма III Ґэрая; у гонар гэтае перамогі ў месьце збудавалі касьцёл.
• 1690: Томаш і Ян Карчэўскія фундавалі ў Берастэчку кляштар трынітарыяў.
• 1765: перайшло да Замойскіх, якія пачалі будаўніцтва замка.
• кан. XVIII ст.: у Берастэчку дзейнічала царква, працавалі аптэка, лесапільня, гарбарныя прадпрыемствы.
• 1795: у выніку трэцяга падзелу Рэчы Паспалітай апынулася ў складзе Расейскай імпэрыі; валоданьне Плятэраў.
• 1921: згодна з Рыскай мірнай дамовай увайшло ў склад міжваеннай Польскай Рэспублікі.
• 1939: у складзе Ўкраінскай ССР.

Насельніцтва

• 1629 — 2300 чал.^[2]
• кан. XVIII ст. — 2853 чал.^[2]
• 2-я пал. XIX ст. — 3726 чал.^[3]
• 1968 — 2,9 тыс. чал.^[4]
• 1991 — 2,1 тыс. чал.^[5]
• 2001 — 1904 чал.

Славутасьці

• Капліца Сьв. Тэклі (XVII ст.)
• Касьцёл Найсьв. Тройцы (XVII ст.)
• «Мураваны стоўп» на магіле А. Пронскага (XVI ст.)
• Царква Сьв. Тройцы (пач. ХХ ст.)

• 
  Касьцёл Найсьв. Тройцы
• 
  «Мураваны стоўп»
• 
  Царква Сьв. Тройцы

У літаратуры

У «слаўным месьце Берастэчка» адбываюцца падзеі паэмы Янкі Купалы «Бандароўна».^[6]