Валер Калесьнік

Валер Георгіевіч Калесьнік (нарадзіўся 17 ліпеня 1965 году ў Горадні) — беларускі дыплямат.

Валер Калесьнік
Надзвычайны і Паўнамоцны Амбасадар Рэспублікі Беларусь у Турэцкай Рэспубліцы
14 жніўня 2008 — 3 сьнежня 2013
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Папярэднік	Натальля Жылевіч
Наступнік	Андрэй Савіных
Надзвычайны і Паўнамоцны Амбасадар Рэспублікі Беларусь у Рэспубліцы Інданэзіі
14 верасьня 2017 — 22 лістапада 2023
Папярэднік	Уладзімер Лапата-Загорскі
Наступнік	Раман Раманоўскі
Асабістыя зьвесткі
Нарадзіўся	17 ліпеня 1965 (59 гадоў) Горадня, Гарадзенская вобласьць
Адукацыя	Благавешчанская вышэйшая танкавая камандная вучэльня[d] Вайскова-дыпляматычная акадэмія Расеі[d]

Біяграфія

Скончыў Благавешчанскую вышэйшаю школу камандзіраваньня танкамі (1986), Ваенна-дыпляматычную акадэмію ў Маскве (1994).

З 1995 году працаваў у Міністэрстве замежных справаў Рэспублікі Беларусь. У 1999—2000 гадох быў намесьнікам начальніка ўпраўленьня міжнароднай бясьпекі й кантролі над разбраеньнем у Міністэрстве замежных справаў Рэспублікі Беларусь. У 2000—2004 гадох быў саветнікам Амбасады Рэспублікі Беларусь у Каралеўстве Бэльґія, Пастаяннага прадстаўніцтва Рэспублікі Беларусь пры Камісіі Эўрапейскіх супольнасьцяў і Пастаяннага прадстаўніцтва Рэспублікі Беларусь пры Арганізацыі Паўночнаатлянтычнай дамовы. У 2004—2006 гадох быў саветнікам ўпраўленьня міжнароднай бясьпекі й кантролі над разбраеньнем у Міністэрстве замежных справаў Рэспублікі Беларусь.

З 10 лютага 1998 году да 30 сьнежня 2003 году быў адначасова Прадстаўніком Ураду Рэспублікі Беларусь ў упраўленьні Камітэту па супрацоўніцтве ў галіне нераспаўсюджаньня ядзернай зброі^[1][2].

14 жніўня 2008 году быў прызначаны Надзвычайным і Паўнамоцным Амбасадарам Рэспублікі Беларусь у Турэцкай Рэспубліцы^[3]. Быў таксама амбасадарам у Рэспубліцы Ірак па сумяшчальніцтве з 28 верасьня 2012 году^[4]. 3 сьнежня 2013 году стаў адстаўлены з абедзьвюх пасадаў^[5].

14 верасьня 2017 году быў прызначаны Надзвычайным і Паўнамоцным Амбасадарам Рэспублікі Беларусь у Рэспубліцы Інданэзіі, Малайзіі, Рэспубліцы Сынгапур ды Рэспубліцы Філіпіны па сумяшчальніцтву^[6]. 22 траўня 2018 году быў таксама прызначаны Пастаянным прадстаўніком Беларусі пры Асацыяцыі дзяржаваў Паўднёва-Ўсходняй Азіі^[7]. Вызвалены ад гэтых пасадаў 22 лістапада 2023 году^[8].