Валеры Малашка

Валеры Анатольевіч Малашка (Нар.1966, Горадня) — беларускі дзяржаўны дзяяч, міністар аховы здароўя, экс-міністар працы і сацыяльнай абароны Рэспублікі Беларусь.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Малашка.

Валеры Малашка
Міністар аховы здароўя Рэспублікі Беларусь
27 студзеня 2017 — 11 ліпеня 2018
Прэзыдэнт	Аляксандар Лукашэнка
Прэм’ер-міністар	Андрэй Кабякоў
Папярэднік	Васіль Жарко
Наступнік	Уладзімер Каранік
Міністар працы і сацыяльнай абароны Рэспублікі Беларусь
15 сьнежня 2016 — 27 студзеня 2017
Прэзыдэнт	Аляксандар Лукашэнка
Прэм’ер-міністар	Андрэй Кабякоў
Папярэднік	Марыяна Шчоткіна
Наступнік	Ірына Касьцевіч
Асабістыя зьвесткі
Нарадзіўся	1966 (59 гадоў) Гародня, БССР
Адукацыя	Беларускі дзяржаўны мэдычны ўнівэрсытэт (1989)[1] Акадэмія кіраваньня пры прэзыдэнце Рэспублікі Беларусь (2007)[1]
Маці	Эмілія Аляксандраўна Малашка[d]
Узнагароды	Ганаровая грамата Адміністрацыі прэзыдэнта Рэспублікі Беларусі[d] Ганаровая грамата Савету Міністраў Рэспублікі Беларусь Ганаровая грамата Міністэрства інфармацыі Беларусі[d]

Жыцьцяпіс

У 1989 годзе скончыў Менскі дзяржаўны медычны інстытут. Паводле першай адукацыі ён пэдыятар. У 2007 годзе скончыў Акадэмію кіраваньня пры прэзыдэнце (спэцыяльнасьць «дзяржаўнае кіраваньне сацыяльнай сфэрай»).

З 1989 па 2004 год Малашка працаваў па спэцыяльнасьці: анэстэзіёлягам-рэаніматолягам, намесьнікам галоўнага лекара ў лячэбных пытаньнях, галоўным лекарам Магілёўскай абласной дзіцячай бальніцы. Адным зь першых увёў у Беларусі аддзяленьне мэдрэабілітацыі для дзяцей да году.

З 2004 году Валеры Малашка быў першым намесьнікам начальніка ўпраўленьня аховы здароўя Магілёўскага аблвыканкаму. З 2005 па 2009 год — начальнікам упраўленьня аховы здароўя Магілёўскага аблвыканкаму. У студзені 2009 году быў прызначаны намесьнікам старшыні Магілёўскага аблвыканкаму. У 15 сьнежня 2016 году прызначаны міністрам працы. Праз 6 тыдняў, 27 студзеня 2017 году Аляксандар Лукашэнка прызначыў яго міністрам аховы здароўя^[2].

	Не хачу сказаць, што пасада міністра працы ў нас другарадная, але, пагадзіцеся, пасада міністра аховы здароўя — найважнейшая ў любой краіне, бо гэта зьвязана са здароўем цэлай нацыі, нашага насельніцтва. Мне давялося выбіраць: ці пагадзіцца з тым, што было, ці прызнаць, што Малашка больш патрэбен у якасьці міністра аховы здароўя. Таму я прыношу свае прабачэньні, што так атрымалася, але грамадзтва лічыць, што Малашка павінен быць міністрам аховы здароўя. І я з гэтым грамадзтвам згодны
—Аляксандар Лукашэнка, Міністрам аховы здароўя стаў Валеры Малашка, якога месяц таму прызначалі міністрам працы, Радыё Свабода

Быў звольнены з пасады Міністра аховы здароўя 11 чэрвеня 2019 году, прызначаны намесьнікам старшыні Магілёўскага аблвыканкама.

У 2024 годзе стаў дэпутатам Палаты прадстаўнікоў Нацыянальнага сходу Рэспублікі Беларусь^[3].