Вуліца Андрэеўская (Менск)

Вуліца Андрэеўская — адна з найстарэйшых цэнтральных вуліцаў Менску. Знаходзіцца ў Партызанскім раёне і йдзе ад вуліцы Пуліхава да вуліцы Антонаўскай. Даўжыня — 0,7 км. Перасякаецца з вуліцай Захарава. На вуліцы знаходзяцца дзяржаўнае прадпрыемства «Менскрэкляма», дрэваапрацоўчае і будаўнічае прадпрыемствы, прадуктовая крама. У 1960-я—1980-я гады жылы квартал, абмежаваны вуліцамі Андрэеўскай, Антонаўскай і Захарава, меў сярод моладзі назву «Абісінія».^[2] Сёньня жылы квартал па Андрэеўскай належыць да ліку найболей прэстыжных ў Партызанскім раёне (па папулярнасьці адразу за вуліцамі Першамайскай і Захарава).^[3]

Андрэеўская
Менск
Від на вуліцу ад перакрыжаваньня з вуліцай Захарава у бок вуліцы Пуліхава
Агульная інфармацыя
Раён гораду	Партызанскі
Гістарычны раён	Архірэйская Слабодка, Абсінія
Даўжыня	700 м
Паштовыя індэксы	220088[1]
На мапе
Google · Яндекс

Гісторыя

У сярэдзіне 19-га стагодзьдзя месца, дзе цяпер праходзіць вуліца, знаходзілася па-за межамі гораду.^[4] На гарадзкой мапе 1898 году вуліца была ўжо пазначаная.^[5] Менавіта ў гэты час горад хутка рос і зьяўлялася шмат новых вуліцаў, для пошуку арыгінальных назваў якіх у служачых гарадзкой управы часам не хапала фантазіі.^[6]

У час нацысцкае акупацыі назва вуліцы была зьмененая на «Bosehstrasse»(?).^[7]

Забудова

		Па няцотным баку
№ 3/2		Пяціпавярховы трохпад’ездны 60-кватэрны жылы дом. Пабудаваны ў 1970 годзе. Агульная плошча кватэраў — 3446 кв.м.
№ 5		Адміністратыўны будынак, у якім месьцяцца ТАА «ХарысМотарс»[8], СТА «Жалезны дракон»[9], СТА «ДэніАндПроф»[10] і склад прадпрыемства па эксплюатацыі будынкаў «БелЭБ» кіраўніцтва справамі прэзыдэнта Рэспублікі Беларусь[11].
№ 7/1		Дзевяціпавярховы чатырохпад’ездны 162-кватэрны жылы дом. Пабудаваны ў 1970 годзе. Агульная плошча кватэраў — 10213 кв.м.
№ 7/2		Пяціпавярховы трохпад’ездны 60-кватэрны жылы дом. Пабудаваны ў 1969 годзе. Агульная плошча кватэраў — 3484 кв.м.
№ 21		Аднапавярховы драўляны жылы дом.
№ 35		Таямнічы будынак невядомага прызначэньня зь дзіўнай нумэрацыяй [12].

		Па цотным баку
№ 4		Чатырохпавярховы жылы дом, у якім месьціцца інтэрнат № 4[13] і рамонтна-будаўнічае ўпраўленьне прадпрыемства «Менскрамбуд».
№ 28		Адміністратыўны будынак, разьмешчаны на тэрыторыі філіі № 1 прадпрыемства «Менскдрэў». У доме месьцяцца прадпрыемствы, якія гандлююць сантэхнічным і ацяпляльным абсталяваньнем.[14]

Далягляды вуліцы

• 
  Від на пачатак вуліцы ад перакрыжаваньня з вуліцай Пуліхава
• 
  Від на перакрыжаваньне з вуліцай Захарава
• 
  Від на паўночны-ўсход ад перакрыжаваньня з вуліцай Захарава
• 
  Сквэр уздоўж вуліцы Андрэеўскай паміж вуліцамі Пуліхава і Антонаўскай

Літаратура

• Шыбека З., Шыбека С. Мінск: Старонкі жыцця дарэв. горада / Пер. з рускай мовы М. Віжа; Прадмова С. Станюты. — Менск: Полымя, 1994. — 341 с. [1] асобн. арк. карт.: іл. ISBN 5-345-00613-X.
• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. ISBN 985-6302-33-1.
• Гісторыя Мінска. 1-е выданне. — Менск: БелЭн, 2006. — 696 с. ISBN 985-11-0344-6.
• И.П. Шамякин (гл. ред.)и др. Менск: энцыкляпэдычны даведнік = Минск: Энцикл. справочник. — 2-е выданьне. — Менск: Бел. Сов. Энциклопедия, 1983. — 467 с.
• Сацукевіч, Іван. Тапанімія вуліцы і плошчаў Менска ў ХІХ — пачатку ХХ стст. // «Беларускі калегіюм», 4 чэрвеня 2008.