Галіна Лукашэнка

Галі́на Радыёнаўна Лукашэ́нка (да шлюбу Жаўняро́віч; нарадзілася ў 1955, Рыжкавічы, цяпер у складзе Шклова) — жонка першага прэзыдэнта Рэспублікі Беларусь Аляксандра Лукашэнкі.

Галіна Лукашэнка
Дата нараджэньня	1 студзеня 1955(1955-01-01) (70 гадоў)
Месца нараджэньня	Рыжкавічы, Старашклоўскі сельсавет, Шклоўскі раён, Магілёўская вобласьць, БССР, СССР
Месца вучобы	Магілёўскі дзяржаўны ўнівэрсытэт імя Аркадзя Куляшова
Занятак	гісторык
Дзеці	Віктар Лукашэнка і Дзьмітры Лукашэнка

Вікіпэдыя мае артыкулы пра іншых асобаў з прозьвішчам Лукашэнка.

Біяграфія

Скончыла гістарычны факультэт Магілёўскага пэдагагічнага інстытуту. У 1975 годзе ажанілася з Аляксандрам Лукашэнкам, зь якім вучыліся ў адной школе. Разам паступілі ў інстытут і пераехалі ў Рыжкавічы. Нарадзіла двух сыноў — Віктара й Дзьмітрыя.

Пасьля таго, як Аляксандар Лукашэнка быў абраны прэзыдэнтам Беларусі, засталася ў Рыжкавічах, куды прэзыдэнт прыяжджае ня часта^[1]. У афіцыйных мерапрыемствах Галіна Радыёнаўна ня ўдзельнічае, за мяжу ня езьдзіць. Працавала загадчыцай дзіцячага садку. У 1998 годзе прызначаная кіраўніком Магілёўскага аблвыканкаму ў сфэры аховы здароўя й санітарна-курортнага лекаваньня.

8 студзеня 2010 году ўзнагароджаная Ганаровай граматай Савету Міністраў Рэспублікі Беларусь^[2].

Міжнародныя санкцыі

У 2022 годзе Галіна Лукашэнка трапіла ў санкцыйныя сьпісы ЗША^[3] і Аўстраліі^[4] (сакавік), Украіны (кастрычнік)^[5] і Новай Зэляндыі (лістапад)^[6].

27 студзеня 2025 году была ўнесеная ў санкцыйны сьпіс Канады^[7].