Гіркаўскі сельсавет

Гіркаўскі сельсавет — адміністрацыйна-тэрытарыяльная адзінка ў складзе Вярэнаўскага раёну Гарадзенскай вобласьці. Цэнтар — вёска Гіркі.

Гіркаўскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Гіркі
Дата ўтварэньня	24 красавіка 1978
Насельніцтва	▼895 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 12 кастрычніка 1940 году як Слабодкаўскі сельсавет у складзе Радунскага раёну Баранавіцкай вобласьці БССР. Цэнтар — вёска Слабодка. З 20 верасьня 1944 году ў складзе Гарадзенскай вобласьці. 16 ліпеня 1954 году да сельсавету далучана тэрыторыя скасаванага Салтанішкаўскага сельсавету^[1].

З 25 сьнежня 1962 году ў складзе Вярэнаўскага раёну. 11 лютага 1972 году да сельсавету далучана частка скасаванага Сьмільгінскага сельсавету, у склад Забалацкага сельсавету перададзены населеныя пункты Ліпкунцы, Лялюшы, Лялянцы і Слабодка, цэнтар сельсавета перанесены ў вёску Старыя Сьмільгіні, сельсавет перайменаваны ў Старасьмільгінскі сельсавет^[2]. 24 красавіка 1978 году сельсавет перайменаваны ў Гіркаўскі, цэнтар перанесены ў вёску Гіркі.

Насельніцтва сельсавету паводле перапісу 2009 году — 1166 чалавек^[3], зь іх 88,7% — палякі, 5,6% — беларусы, 3,3% — летувісы, 1,5% — расейцы^[4].