Джэніфэр Гарнэр

Джэ́ніфэр Эн Га́рнэр (па-ангельску: Jennifer Anne Garner; нарадзілася 17 красавіка 1972 году) — амэрыканская акторка. Былая жонка актора Бэна Афлека.

Джэніфэр Гарнэр
Дата нараджэньня	17 красавіка 1972(1972-04-17) (53 гады)
Месца нараджэньня	Г’юстан, Тэхас, ЗША
Месца вучобы	школа імя Джорджа Вашынгтона[d] Дэнісанскі ўнівэрсытэт[d] Eugene O'Neill Theater Center[d]
Занятак	тэлеактор, кінапрадусарка, кінарэжысэрка, тэатральная акторка, кінаакторка
Бацька	William John Garner[d]
Маці	Patricia Ann English[d][1]
Дзеці	Ваялет Афлек[d], Сэрафіна Афлек[d] і Сэм Афлек[d]
Узнагароды	зорка на галівудзкай «Алеі славы»[d] Hasty Pudding Woman of the Year[d] (2022)
IMDb	ID nm0004950
Джэніфэр Гарнэр у Вікісховішчы

Біяграфія

Нарадзілася ў Г’юстане ў штаце Тэхас, але гадавалася ў Чарлзтане штату Заходняй Вірджыніі. Мае дзьвюх сясьцёр^[2]. Навучалася тэатральнаму мастацтву ў Дэнісанскім унівэрсытэце, а пачала тэатральную кархеру апасьля ў Нью-Ёрку. Дэбютавала на экране ў тэлевізійнай адаптацыі раману «Зоя» працы Даніелы Стыл. У 2000 годзе Гарнэр выканала ролю ў стоўнэр-фільме «Чалан, дзе мой самаход?». Згуляла дробную ролю ў ваеннай драме «Пэрл-Гарбар» (2001).

Гарнэр прыцягнула ўвагу, дзякуючы выкананьню ролі афіцэра ЦРУ Сыднэй Брыстаў у тэлесэрыяле каналу ABC «Шпегунка», які выходзіў у этэр з 2001 па 2006 гады^[3]. За сваю працу над сэрыялам яна здабыла «Залаты Глёбус» за найлепшую жаночую ролю ў драматычным тэлесэрыяле і прэміі Гільдыі кінаактораў ЗША за найлепшую жаночую ролю драматычным тэлесэрыяле. Дадатковую ўхвалу атрымала за выступ ў рамантычнай камэдыі «З 13 у 30» (2004). У гэтыя ж часы акторка падпісалася на выкананьне ролі пэрсанажа кінасусьвета Marvel Электра. Гэтыя супэргеройскія фільмы ўлачалі «Дэрдэвіл»^[4] (2003) і «Электра» (2005). Тым ня менш, Гарнэр не закінула выкананьні роляў ў камэдыйных фільмаў, якія мелі камэрцыйны посьпех. Гэтак акторка зьявілася ў драматычным фільме «Джуна» і рамантычных камэдыях «Прывіды колішніх сябровак» (2009) і «Дзень сьвятога Валянціна» (2010).

Гарнэр выканала галоўныя ролі у фантастычных фільмах «Вынаходзтва хлусьні» (2009) і «Незвычайнае жыцьцё Тымаці Грына» (2012). За выкананьне ролі ў біяграфічнай драме «Даласкі клюб пакупнікоў» (2013) Гарнэр атрымала намінацыю на прэмію Гільдыі кінаактораў ЗША за выдатны акторскі склад у гульнявым кіно. Наступнымі фільмамі Гарнэр сталіся камэдыя «Аляксандар і жудасны, жахлівы, нядобры і вельмі дрэнны дзень» (2014), драма «Цуды зь нябёсаў» (2016) і камэдыйная драма «Твой Сайман» (2018).