Дзьмітры Ігнаценка (1995)

Дзьмі́тры Ігнаце́нка (нарадзіўся 1 лютага 1995 году) — беларускі футбаліст, абаронца «Лясгасу».

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дзьмітры Ігнаценка.

Дзьмітры Ігнаценка
Пэрсанальная інфармацыя
Нарадзіўся	1 лютага 1995(1995-02-01)[1] (30 гадоў) Гомель, Беларусь[2]
Рост	189 см
Вага	84 кг[2]
Пазыцыя	абаронца
Клюбная інфармацыя
Клюб	Гомельскі досьледны лясгас[d]
Нумар	31
Клюбы
Гады	Клюб	Гульні (галы)¹
2014—2019	Гомель	35 (1)
2018	→ Белшына	10 (0)
2020	Гарадзея	22 (1)
2021—2022	Славія Мазыр	13 (1)
2023—4	Гомельскі досьледны лясгас[d]	8 (0)
Зборныя
2013	Беларусь (да 19)[d]	3 (0)
2014—2015	Беларусь (да 21)	13 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 12 кастрычніка 2024.

Кар’ера

Клюбная

Кар’еру пачаў у складзе «Гомля». З 2012 году гуляў за дубль, а 13 ліпеня 2014 году дэбютаваў у асноўным складзе каманды ў матчы супраць «Нафтана», выйшаўшы на замену на 89-й хвіліне. У канцы сэзону пачаў трывала выходзіць у стартавым складзе гомельскага клюбу на пазыцыі цэнтральнага абаронцы. У сьнежні 2014 году падоўжыў кантракт з «Гомлем»^[3].

Сэзон 2015 году пачаў на лаўцы запасных, а з траўня замацаваўся ў якасьці асноўнага цэнтральнага абаронцы гамельчукоў. У верасьні атрымаў траўму, празь якую выбыў да канца сэзону. У лютым 2016 году падоўжыў кантракт з гамельчукамі^[4], аднак праз траўмы амаль не зьяўляўся на полі, а сэзон 2017 году ўвогуле цалкам прапусьціў. Толькі ў ліпені 2018 году зноў пачаў зьяўляцца ў складзе. У жніўні 2018 году аддадзены ў арэнду бабруйскай «Белшыне» да канца сэзону^[5], але ў сьнежні вярнуўся ў «Гомель». Сэзон 2019 году пачынаў у гомельскім дублі, пазьней усё ж такі пачаў прыцягвацца да асноўнай каманды. У сьнежні 2019 году, пасьля таго як «Гомель» чарговы раз выбыў у Першую лігу, падпісаў кантракт з «Гарадзеяй»^[6]. У хуткім часе замацаваўся ў пачатковым складзе каманды.

У студзені 2021 году далучыўся да мазырскай «Славіі»^[7]. Большую частку сэзону 2021 году прапусьціў праз пашкоджаньне. У сьнежні 2021 году падоўжыў кантракт з мазырскім клюбам^[8]. У 2022 годзе быў гульцом ратацыі. Па заканчэньні сэзону пакінуў «Славію»^[9] і праз траўму завяршыў прафэсійную кар’еру^[10].

У ліпені 2023 году ў якасьці аматара далучыўся да гомельскага «Лясгасу» з Другой лігі.

Міжнародная

Гуляў за зборную Беларусі (да 19 гадоў). 13 жніўня 2014 году дэбютаваў у моладзевай зборнай Беларусі ў таварыскім матчы супраць зборнай Малдовы (0:1). Усяго згуляў 13 матчаў за зборную, дзе пераважна выкарыстоўваўся на пазыцыі цэнтральнага абаронцы.

Статыстыка

Клюб	Сэзон	Чэмпіянат
		Дывізіён	Матчы	Галы
Гомель	2015	Найвышэйшая ліга	13	0
	2016	Першая ліга	3	0
Белшына	2018	Першая ліга	10	0