Дзіцячы конкурс песьні Эўрабачаньне

Дзіця́чы ко́нкурс пе́сьні «Эўраба́чаньне» (па-ангельску: Junior Eurovision Song Contest) — штогадовы тэлевізійны конкурс, які арганізаецца Эўрапейскім вяшчальным зьвязам (ЭВЗ) пачынаючы зь 2003 году. На час пасьля конкурсу 2023 году праведзена 21 сязон.

Дзіцячае Эўрабачаньне
анг. Junior Eurovision
Гады	2003 — па сёньняшні дзень
Жанры	Любы
Тэматыка	Музыка, Конкурс
Лэйбл	Эўрапейскі вяшчальны зьвяз
Злучаныя праекты	Эўрабачаньне
junioreurovision.tv
Галерэя здымкаў у Вікісховішчы

Гісторыя

Асноўны артыкул: Гісторыя дзіцячага конкурсу песьні Эўрабачаньне

Першы конкурс адбыўся 15 лістапада 2003 году ў датскім Капэнгагене, у якім першую перамогу здабыў харватскі прадстаўнік Дына Елусіч зь песьняй «Ti si moja prva ljubav». Тады свой удзел узялі 16 краін. Першапачаткова наступны год арганізоўвала не краіна-пераможца папярэдняга году, як гэта адбываецца ў дарослым аналягу конкурсу, а краіна, якая была абраная рэфэрэнт-суполкай арганізатараў конкурсу. Гэта адбывалася амаль да 2012 году, пасьля якога магчымасьць на права правядзеньня конкурсу давалі спачатку краіне-пераможце, а пасьля пераходзілі да прыёму заявак ад зацікаўленных у правядзеньні краін.

Фармат

На працягу гісторыі ўсяго конкурсу фармат правядзеньня яго ня зьменіваўся: ён складаецца з паступовых жывых выступаў выканаўцаў (да шасьці чалавек на сцэне адначасова) заяўленых тэлекампаніямі краін-удзельніц. З самога пачатку й да 2015 году конкурс трансліравалі па суботах увечары, але з 2016 году гэта сталі рабіць у нядзелю а 18-й гадзіне па Цэнтра-Эўрапейскаму часу.

Заўсёды конкурс складаўся з: царамоніі адкрыцьця, на якім выканаўцаў прадстаўляюць гледачам і тэлегледачам; выступам выканаўцаў зь іхнімі песьнямі; кароценькія выступы ўсіх песень (каб нагадаць гледачам пра ўсе конкурсныя кампазіцыі пад час галасаваньня); інтэрвал-акты; час адкрытака галасаваньня, калі паступова гледачы маглі бачыць падлік баллаў і выступ пераможца з яго песьняй. У розныя моманты шоў тэлеканалы могуць зрабіць перапынак на рэкляму.

Правілы

У асноўным правілы дзіцячага конкурсу паходзяць на правілы дарослага аналягу, але за выключэньнем некалькіх пунктаў:

• На момант правядзеньня фіналу конкурса (прамой трансляцыі) выканаўцу/выканаўцам павінна быць ад 9 да 14 год;
• Кожная песьня павінна мець ня меньш 75% тэксту на дзяржаўнай мове;
• Выканаўца павінен быць альбо аўтарам конкурснай песьні, альбо браць максімальны ўдзел у стварэньні песьні;
• Выканаўца абавязаны мець грамадзянства краіны, якую ён прадстаўляе, альбо жыць ў ёй ня меньш за 2 гады;
• Існуюць абмежаваньні ў адзеньні дзяцей-выканаўцаў -яна не павінна быць занадта дарослай.

Краіны-удзельніцы

Асноўны артыкул: Краіны-удзельніцы дзіцячага конкурсу песьні Эўрабачаньне

На конкрсе «Дзіцячае Эўрабачаньне» права ўдзелу меюць усе краіны-чальцы Эўрапейскага вяшчальнага зьвязу. Але ў 2015 годзе на конкрсе ўпершыню прыняла удзел Аўстралія, якой ўвесну таго жа году дазволілі прынімаць удзел на дарослым аналягу конкурса Эўрабачаньне. Праз 3 гады на конкурсе ў Менску дазвол да ўдзелу на конкурсе далі Казахстану та Ўэйлзу. За ўвесь час конкурсу 41 краіна прыняла ўдзел.

Год Краіны, якія ўзялі першы ўдзел 2003 Беларусь Бэльгія Харватыя Кіпр  Данія Грэцыя Латвія Мальта Нідэрлянды Паўночная Македонія Нарвэгія Польшча Румынія Гішпанія Швэцыя Вялікабрытанія

Год Краіны, якія ўзялі першы ўдзел 2004 Францыя Швайцарыя 2005 Расея Сэрбія і Чарнагорыя 2006 Партугалія Сэрбія Украіна 2007 Армэнія Баўгарыя Грузія Летува 2010 Малдова 2012 Альбанія Азэрбайджан Ізраіль 2013 Сан-Марына

Год Краіны, якія ўзялі першы ўдзел 2014 Італія Чарнагорыя Славенія 2015 Аўстралія Ірляндыя 2018 Казахстан Ўэйлз 2020 Нямеччына 2023 Эстонія

Сьпіс пераможцаў

Асноўны артыкул: Пераможцы дзіцячага конкурсу песьні Эўрабачаньне

За ўвесь час правядзеньня конкурсу толькі 12 краін здабылі сабе перамогу, зь якіх Грузія та Францыя маюць па 3 перамогі^[1].

Год	Дата	Месца правядзеньня	Удзельнікі	Краіна-пераможца	Выканаўца	Песьня
2003	15 лістапада	Капэнгаген	16	Харватыя	Дына Елусіч	«Ti si moja prva ljubav»
2004	20 лістапада	Лілехамэр	18	Гішпанія	Марыя Ісабэль	«Antes muerta que sencilla»
2005	26 лістапада	Хасэлт	16	Беларусь	Ксенія Сітнік	«Мы вместе»
2006	2 сьнежня	Бухарэст	15	Расея	Сёстры Талмачовы	«Весенний джаз»
2007	8 сьнежня	Ратэрдам	17	Беларусь	Аляксей Жыгалковіч	«С друзьями»
2008	22 лістапада	Лімасол	15	Грузія	Bzikebi	«Bzzzz…»
2009	21 лістапада	Кіеў	13	Нідэрлянды	Ральф Макенбах	«Click Clack»
2010	20 лістапада	Менск	14	Армэнія	Уладзімер Арзуманян	«Mama» (Մամա)
2011	3 сьнежня	Ерэван	13	Грузія	Candy	«Candy Music»
2012	1 сьнежня	Амстэрдам	12	Украіна	Настасься Петрык	«Nebo»
2013	30 лістапада	Кіеў	12	Мальта	Гая Кашы	«The Start»
2014	15 лістапада	Марса	16	Італія	Вічэнца Канцьела	«Tu primo grande amore»
2015	21 лістапада	Сафія	17	Мальта	Дэсціні Чукуньерэ	«Not My Soul»
2016	20 лістапада	Валета	17	Грузія	Марыям Мамадашвілі	«Mzeo» (მზეო)
2017	26 лістапада	Тбілісі	16	Расея	Паліна Багусевіч	«Крылья (Wings)»
2018	25 лістапада	Менск	20	Польшча	Раксана Венгель	«Anyone I Want to Be»
2019	24 лістапада	Катавіцы	19	Польшча	Вікі Габар	«Superhero»
2020	29 лістапада	Варшава	12	Францыя	Валянціна	«J’imagine»
2021	19 сьнежня	Парыж	19	Армэнія	Малена	«Qami Qami» (Քամի Քամի)
2022	11 сьнежня	Ерэван	16	Францыя	Лісандра	«Oh Maman!»
2023	26 лістапада	Ніцца	16	Францыя	Зойі Клёзу	«Cœur»
2024	16 лістапада	Мадрыд	17	Грузія	Андрыя Путкарадзе	«To My Mom»

Глядзіце таксама

• Беларусь на дзіцячым конкурсе песьні Эўрабачаньне
• Конкурс песьні Эўрабачаньне