Жулію Сэзар Суарэс Эсьпіндола

Жулію Сэзар Суарэс Эсьпіндола (па-партугальску: Júlio César Soares Espíndola; нар. 3 верасьня 1979 году, Дукі-дзі-Кашыяс, Бразылія) — бразыльскі футбаліст, брамнік. У 2004—2014 гадах выступаў за нацыянальную зборную Бразыліі. Вядомы дзякуючы працяглым выступам за італьянскі клюб «Інтэр».

Жулію Сэзар Суарэс Эсьпіндола
Пэрсанальная інфармацыя
Нарадзіўся	3 верасьня 1979(1979-09-03)[1][2] (46 гадоў) Дукі-дзі-Кашыяс[d], Рыю-дэ-Жанэйру, Бразылія
Рост	186 см
Вага	79 кг
Пазыцыя	брамнік
Клюбы
Гады	Клюб	Гульні (галы)¹
1998—2005	Фламэнгу	130 (0)
2005—2012	Інтэрнацыянале	228 (0)
2005	→ К’ева	0 (0)
2012—2014	Кўінз Парк Рэйнджарз	24 (0)
2014	→ Таронта[d]	7 (0)
2014—2017	Бэнфіка	57 (0)
2018	Фламэнгу	1 (0)
Зборныя
2004—2014	Бразылія	87 (0)

У 2009 годзе Міжнародная фэдэрацыя футбольнай гісторыі й статыстыкі абрала Жулію Сэзара трэцім брамнікам сьвету пасьля Ікера Касыльяса й Джанлюіджы Буфона^[3].

Кар’ера

Клюбная

Жулію Сэзар, які нарадзіўся ў штаце Рыю-дэ-Жанэйру, пачаў сваю спартовую кар’еру ў клюбе «Гражан Каўнтры Клуб», дзе ён правёў сваё дзяцінства. Пасьля гэтага ён на працягу 6 гадоў гуляў за «Фламэнгу» з Рыю-дэ-Жанэйру.

У 2004 годзе Жулію Сэзар падпісаў кантракт зь «Інтэрам», але з-за перавышэньня ліміту легіянэраў у клюбе ня трапіў у заяўку й быў аддадзены ў арэнду ў «К’ева», за які аднак не згуляў ніводнай гульні. У жніўні 2005 году гулец вярнуўся ў «Інтэр» і падпісаў зь ім трохгадовы кантракт. На пазыцыі асноўнага брамніка клюбу ён зьмяніў Франчэска Тольда.

У жніўні 2012 году Жулію Сэзар падпісаў чатырохгадовы кантракт з ангельскім клюбам «Кўінз Парк Рэйнджарз»^[4]. За ангельскі клюб дэбютаваў 15 верасьня ў гульні супраць супраць «Чэлсі», якая скончылася нулявой нічыёй. Ён стаў першым брамнікам каманды, выцесьніўшы брамніка нацыянальнай зборнай Ангельшчыны Робэрта Грына, які сеў на лаўку запасных.

Міжнародная

Жулію Сэзар зьявіўся ў заяўцы зборнай Бразыліі ў 2003 годзе, не правёўшы ніводнай гульні ў Кубку канфэдэрацыяў 2003 году, а дэбютаваў у зборнай 8 ліпеня 2004 году. Ён стаў пераможцам Кубку Амэрыкі 2004 году.

Дасягненьні

«Фламэнгу»:

• Чэмпіён штату Рыю-дэ-Жанэйру: 1999, 2000, 2001, 2004
• Уладальнік Кубка чэмпіёнаў Бразыліі: 2001
• Уладальнік Кубка Мэркасур: 1999
• Уладальнік Кубка Гуанабара: 1999, 2001, 2004
• Уладальнік Трафэя Рыю: 2000

«Інтэрнацыянале»:

• Чэмпіён Італіі: 2006. 2007, 2008, 2009, 2010
• Уладальнік Кубка Італіі: 2006, 2010, 2011
• Уладальнік Супэркубка Італіі: 2005, 2006, 2008, 2010
• Пераможца Лігі чэмпіёнаў: 2010
• Пераможца клюбнага чэмпіянату сьвету: 2010

«Бэнфіка»:

• Чэмпіён Партугаліі: 2015, 2016, 2017
• Уладальнік Кубка Партугаліі: 2017
• Уладальнік Кубка партугальскае лігі: 2015
• Уладальнік Супэркубка Партугаліі: 2016

Бразылія:

• Уладальнік Кубку Амэрыкі: 2004
• Уладальнік Кубку канфэдэрацыяў: 2009

Асабістае жыцьцё

Жанаты з бразыльскай акторкай і мадэлькай Сюзанай Вагнэр, разам зь якой выхоўвае дваіх дзяцей.