Кальмарская катэдра

Ка́льмарская катэ́дра (па-швэдзку: Kalmar domkyrka) — у наш час галоўная царква прыходу Кальмару. Да 1915 году была катэдрай япархіі Кальмару, якая затым у якасьці прыходу ўвайшла ў япархію Вэкшэ. Аднак за царквой захавалася назва катэдры.

Катэдра
Кальмарская катэдра Kalmar domkyrka
Кальмарская катэдра
Краіна	Швэцыя
Месцазнаходжаньне	Кальмар, лэн Кальмар
Каардынаты	56°39′53″ пн. ш. 16°21′56″ у. д.
Канфэсія	Царква Швэцыі[d] і лютэранства
Эпархія	Дыяцэзія Вэкшэ[d]
Архітэктурны стыль	барокавая архітэктура[d]
Аўтар праекту	Нікадэмус Тэсін-старэйшы[d][1]
Дата заснаваньня	1682
Статус	гістарычна-культурны царкоўны комплекс збудаваньняў[d][2]
Сайт	Афіцыйны сайт
Кальмарская катэдра на мапе Швэцыі Кальмарская катэдра
Кальмарская катэдра на Вікісховішчы

Будынак катэдры пабудаваны паводле праекту швэдзкага архітэктара Нікадэмуса Тэсіна Старэйшага. За ўзор ім быў ўзяты рымскі касьцёл Іль-Джэзу. Будаўнічыя працы пачаліся ў 1660 годзе, асьвячэньне адбылося ў 1682 годзе ў паўзавершаным стане, а канчаткова будаўніцтва царквы было завершана ў 1703 годзе.

Галоўны алтар

Інтэр’ер катэдры

У архітэктуры будынка спалучаюцца элемэнты клясыцызму і барока. Будынак мае крыжападобную форму — заходняя частка ўпрыгожана дзьвюма вежамі, а ва ўсходняй знаходзіцца апсіда, унутры якой разьмешчаны алтар. Ззаду алтару маецца алтарная карціна, якая адлюстроўвае зьняцьце Ісуса Хрыста з крыжа (падобныя выявы характэрны для швэдзкай высокацаркоўнай лютэранскай традыцыі).