Караль Наўроцкі

Караль Тадэвуш Наўроцкі (па-польску: Karol Tadeusz Nawrocki; нар. 3 сакавіка 1983, Гданьск, ПНР) — польскі гісторык^[1] і палітык.

Караль Тадэвуш Наўроцкі
па-польску: Karol Tadeusz Nawrocki
7-ы прэзыдэнт Польшчы
6 жніўня 2025 — цяперашні час
Прэм’ер-міністар	Дональд Туск
Папярэднік	Анджэй Дуда
Старшыня Інстытуту нацыянальнае памяці
23 ліпеня 2021 году — 6 жніўня 2025
Прэзыдэнт	Анджэй Дуда
Прэм’ер-міністар	Дональд Туск Матэвуш Маравецкі
Папярэднік	Яраслаў Шарэк
Асабістыя зьвесткі
Нарадзіўся	3 сакавіка 1983 (42 гады) м. Гданск, ПНР
Адукацыя	Гданьскі ўнівэрсытэт[d] (2008) Гданьская пачатковая школа №58[d] (1998) Гданьскі агульнаадукацыйны ліцэй №4[d] (2002) Гданьскі тэхнічны ўнівэрсытэт (2023)
Сужэнец	Марта Наўроцкая[d]
Узнагароды	мэдаль 100-годзьдзя вяртаньня незалежнасьці[d] (2019)

Кіраўнік Інстытута нацыянальнай памяці. У 2017—20 гадах дырэктар Музэю Другой сусьветнай вайны ў Гданьску^[2][3]. Прэзыдэнт Польшчы (ад 2025 году).

Жыцьцяпіс

Скончыў гістарычны факультэт Гданьскага ўнівэрсытэту, дзе ў 2013 годзе абараніў доктарскую дысэртацыю. У 2023 годзе скончыў асьпірантуру Гданьскага тэхналягічнага ўнівэрсытэту — International MBA in Strategy, Programme and Project Management. У 2009—2017 гадах працаваў у Інстытуце нацыянальнай памяці, у 2013—2017 — узначальваў Аддзяленьне народнай адукацыі ў Гданьску ІНП. У 2011—2017 гадах кіраваў Сядлецкім раённым радаю ў Гданьску.

У 2017 годзе прызначаны дырэктарам Музэю Другой сусьветнай вайны ў Гданьску, займаў пасаду да 2021 году, калі вярнуўся ў Інстытут нацыянальнай памяці і ў чэрвені 2021 году стаў яго віцэ-прэзыдэнтам. У ліпені 2021 году заняў пасаду новага кіраўніка Інстытута нацыянальнай памяці пасьля абраньня Соймам і зацьвярджэньня Сэнатам Рэспублікі Польшча.

У лютым 2024 году ўключаны ў сьпіс асоб расшукваных Расейскай Фэдэрацыяй па крымінальнай справе за дзейнасьць па дэмантажы помнікаў Чырвонай Арміі ў Польшчы^[4]. 24 лістапада 2024 году быў абвешчаны і падтрыманы партыяй «Права і Справядлівасьць» незалежным кандыдатам на выбары 2025 году на пасаду прэзыдэнта Польшча. 2 чэрвеня 2025 году Дзяржаўная выбарчая камісія Польшчы (ДВК) паведаміла пра перамогу Караля Наўроцкага на прэзыдэнцкіх выбарах у Польшчы 2025 году, на якіх той набраў 50,9 % усіх галасоў^[5].

Дзейнасьць

Аўтар або суаўтар некалькіх кніг і шматлікіх навуковых і навукова-папулярных артыкулаў па тэме антыкамуністычнай апазыцыі Польшчы, арганізаванай злачыннасьці ў ПНР і гісторыі спорту.

Узнагароды

• Бронзавы Крыж Заслугі (2019).
• Срэбны Крыж Заслугі (2021).