Красімір Капаў

Красімір Капаў (нар. 14 ліпеня 1999 году) — беларускі футбаліст, нападнік магілёўскага «Дняпра». Сын выбітнага футбаліста Яўгена Капава.

Красімір Капаў
Пэрсанальная інфармацыя
Нарадзіўся	14 ліпеня 1999(1999-07-14)[1] (26 гадоў) Магілёў, Беларусь
Рост	181 см
Вага	78 кг[1]
Пазыцыя	нападнік
Клюбная інфармацыя
Клюб	Дняпро Магілёў
Нумар	33
Клюбы
Гады	Клюб	Гульні (галы)¹
2018	Дынама Менск	0 (0)
2018	→ Андэрдог	12 (1)
2019	Арсэнал Койданаў	20 (5)
2020—4	Дняпро Магілёў	142 (32)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 30 чэрвеня 2025.

Кар’ера

Клюбная

З 2017 году пачаў выступаць за дубль менскага «Дынама». 29 ліпеня 2018 году дэбютаваў у першай камандзе дынамаўцаў, калі выйшаў на замену ў другім тайме матча Кубка Беларусі супраць «Энэргетыка»-БДУ (7:0) і пасьпеў адзначыцца дублем. Празь некалькі дзён быў аддадзены ў арэнду клюбу Першай лігі «Чысьць»^[2], дзе быў гульцом асновы, але ня выратаваў каманду ад вылету ў Другую лігу.

У пачатку 2019 году спрабаваў працаўладкавацца ў Польшчы, аднак у выніку вярнуўся ў Беларусь і далучыўся да койданаўскага «Арсэналу». Ня меў трывалага месца ў складзе, часьцей выходзіў на замену, але паводле вынікаў сэзону 2019 году разам з клюбам перамог у Другой лізе. У лютым 2020 году перайшоў у магілёўскі «Дняпро»^[3]. У сэзоне 2020 быў другім бамбардзірам каманды і дапамог ёй прабіцца ў Першую лігу. Сэзон 2021 году пачынаў у першай адзінаццатцы, але зь лета часьцей выходзіў на замену.

Па атрыманьні магілёўскім клюбам месца ў Найвышэйшай лізе на сэзон 2022 году дэбютаваў у элітным дывізіёне 20 сакавіка 2022 году ў матчы першага тура супраць бабруйскай «Белшыны» (0:0), калі выйшаў у пачатковым складзе і быў заменены ў другім тайме. У далейшым заставаўся гульцом асноўнага складу. У студзені 2023 году падоўжыў кантракт з «Дняпром»^[4]. Паводле вынікаў сэзону 2023 году дапамог камандзе вярнуцца ў Найвышэйшую лігу. У студзені 2024 году зноў падоўжыў пагадненьне з магілёўскім клюбам^[5]. На пачатку 2025 году зноў працягнуў супрацу з клюбам^[6].

Міжнародная

У верасьні і кастрычніку 2015 году выступаў за зборную Беларусі (да 17 гадоў) у адборачным раўндзе чэмпіянату Эўропы.