Леччэ (футбольны клюб)

«Ле́ччэ» (па-італьянску: Unione Sportiva Lecce) — італьянскі футбольны клюб з гораду Леччэ. Не зважаючы на тое, што клюб паўстаў у 1908 годзе, дэбют дружыны ў Сэрыі А прыпаў на сэзон 1985—1986 гадоў, а ужо празь некалькі сэзонаў каманда здабыла 9 месца ў элітным дывізіёне. Пасьля клюб звычайна пераходзіў паміж двума найвышэйшымі лігамі. Свае хатнія матчы «Леччэ» ладзіць на Стадыё Вія дэль Марэ, якая здольны зьмясьціць 31 533 гледача.

Леччэ
Поўная назва	Unione Sportiva Lecce SpA
Заснаваны	15 сакавіка 1908
Горад	Леччэ, Італія
Стадыён	Стадыё Вія дэль Марэ Умяшчальнасьць: 36 285
Галоўны трэнэр	Эўсэбіё Дзі Франчэска[d][1]
Чэмпіянат	Сэрыя А
· 2024—2025	17 месца
Хатнія колеры Выязныя колеры Трэція колеры
Галерэя здымкаў у Вікісховішчы uslecce.it (італ.)

Гісторыя

«Леччэ» быў закладзены ў якасьці спартовага клюбу 15 сакавіка 1908 году. Спартовае аб’яданьне ўлучала каманды па футболе, лёгкай атлетыцы і роварным спорце. Першым прэзыдэнтам клюбу стаў Франчэска Марангі. У свае першыя гады футбольная дружына спаборнічала пераважна ў рэгіянальных лігах. Падчас сэзону 1923—1924 гадоў клюб быў ліквідаваны, але ўжо 16 верасьня 1927 году паўстаў наноў. У 1929 годзе «Леччэ» здабыў перамогу ў матчы плэй-оф Паўднёваітальянскай лігі і атрымаў квіток да Сэрыі Б, дзе дэбютаваў у матчы супраць «Навары» 6 кастрычніка 1929 году. «Леччэ» фінішаваў на 13 месцы, а ўжо ў сэзоне 1931—1932 гадоў зноў быў ліквідаваны. Праз чатыры гады «Леччэ» вярнуўся, але зноўку зьняўся з спаборніцтваў.

«Леччэ» знаходзіўся ў Сэрыі С, дзе сапраўдным героем клюбу стаў нападнік Ансэльма Бізьленгі. Ён за некалькі сэзонаў забіў 83 галоў, стаўшы ўлюбёнцам мясцовым заўзятараў. Гэтак з 1959 па 1975 гады клюб браў удзел у розыгрышах Сэрыі С, некалькі разоў спынаючыся за крок да павышэньня да лігі вышэй. Толькі ў 1975—1976 гадах «Леччэ» атрымаў права на ўдзел у Сэрыі Б. У той жа час клюб згуляў у Ангельска-італьянскім кубку, дзе пераканаўча выгуляў «Скарбара». У 1980 годзе адбыўся скандал, які ахапіў італьянскі футбол, у тым ліку «Леччэ». Тагачасны прэзыдэнт клюбу Франка Джурляна здолеў абараніць клюб, у выніку чаго быў дыскваліфікаваны толькі гулец Кляўдыюс Мэрлё. Пазьней у 1983 годзе ў аўтамабільнай аварыі загінулі гульцы Мікеле Лё Руса і Чыра Пэцэльля. Першы з памянёных футбалістаў згуляў у клюбнай кашулі 415 матчаў.

Пад кіраўніцтвам Эўджэніё Фашэцьці, «Леччэ» дасягнуў прасоўваньня ў Сэрыю А ўпершыню ў 1985 годзе. Пачатковы сэзон у эліце дружына скончыла на апошнім радку і вылецела ўжо праз год пасьля ўздыму. У перадапошнім матчы «Леччэ» перамог «Рому» зь лікам 3:2. Атрымаўшы паразу ў матчы плэй-оф за вяртаньне ў эліту ад клюбу «Чэзэна» зь лікам 2:1, клюб вярнуўся ў найвышэйшы дывізіён у 1988 годзе.

Склад

Актуальны на 17 верасьня 2025 году

№ Пазыцыя Імя Год нараджэньня 1 Бр Крыстыян Фрухтль  2000 3 Аб Коры Ндаба  1999 4 Аб Кіялонда Гашпар  1997 5 Аб Яміль Зыбэрт  2002 6 ПА Алекс Саля  2001 7 Нап Тэтэ Марэнтэ  1996 8 ПА Гамза Рафія  1999 9 Нап Нікала Штуліч  2001 10 ПА Мэдон Бэрыша  2003 11 Нап Канан Н’Дры  2000 13 Аб Матыяс Пэрэс  2005 14 ПА Торыр Гэльгасан  2000 17 Аб Данілу Вэйга  2002 18 Аб Габі Жан  2000 19 Нап Ламэк Банда  2001

№ Пазыцыя Імя Год нараджэньня 20 ПА Юльбэр Рамадані  1996 21 Аб Оўэн Куасі  2003 22 Нап Франчэска Камарда  (ар. Мілян) 2008 23 Нап Рыкарда Сотыль  (ар. Фіярэнтына) 1999 25 Аб Антаніна Гальлё  2000 29 ПА Лясана Кулібалі  1996 30 Бр Улядыміра Фальконэ  (капітан) 1995 32 Бр Яспэр Самооя  2003 36 ПА Філіп Мархвінскі 2002 44 Аб Т’ягу Габрыел  2004 50 Нап Сант’яга П’ероцьці  2001 75 ПА Бальтазар П’ерэ  2000 77 ПА Маамэд Каба  2001 93 ПА Юсэф Малег  1998 — Аб Фрэдэрык Гільбэр  1994

Былыя гульцы

• Макс Танэта (2000—2004)