Орлеўскі сельсавет

Орлеўскі сельсавет — адміністрацыйна-тэрытарыяльная адзінка ў складзе Шчучынскага раёну Гарадзенскай вобласьці. Цэнтар — вёска Орля.

Орлеўскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Орля
Дата ўтварэньня	12 кастрычніка 1940
Насельніцтва	▼1513 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 12 кастрычніка 1940 году ў складзе Жалудоцкага раёну Баранавіцкай вобласьці БССР. З 20 верасьня 1944 году ў складзе Гарадзеснкай вобласьці.

16 ліпеня 1954 году да сельсавету далучана тэрыторыя скасаванага Сароцкага сельсавету^[1].

З 17 красавіка 1962 году ў складзе Шчучынскага раёну. 17 студзеня 1969 году да сельсавета далучана частка скасаванага Дубраўскага сельсавету.

28 жніўня 2013 году да сельсавета далучана тэрыторыя скасаванага Ракавіцкага сельсавету (16 населеных пунктаў: аграгарадок Ракавічы, вёскі Бабічы, Балотнікі, Валянчыцы, Карпавічы, Крупава, Мардасы, Раманавічы, Русакі, Ручыцы, Семянякі, Сухары, Сямягі, Філіпавічы, Хількі, Церахі)^[2].

Насельніцтва сельсавета паводле перапісу 2009 году (20 населеных пунктаў) — 1888 чалавек^[3], зь іх 65,2 % — беларусы, 32,9 % — палякі, 1,0 % — расейцы^[4].