Палацава-паркавы комплекс Радзівілаў (Жырмуны)

Палацава-паркавы комплекс Радзівілаў — помнік архітэктуры і садова-паркавага мастацтва XVIII стагодзьдзя ў Жырмунах. Знаходзіцца з паўднёвага захаду ад вёскі, паўразбураны. Твор архітэктуры клясыцызму.

Помнік грамадзянскай архітэктуры
Палацава-паркавы комплекс Радзівілаў
Брама, 2007 г.
Краіна	Беларусь
Вёска	Жырмуны
Каардынаты	53°59′50.10″ пн. ш. 25°11′58.51″ у. д.
Архітэктурны стыль	клясыцыстычная архітэктура[d]
Заснавальнік	Станіслаў Радзівіл
Палацава-паркавы комплекс Радзівілаў на мапе Беларусі Палацава-паркавы комплекс Радзівілаў
Палацава-паркавы комплекс Радзівілаў на Вікісховішчы

Комплекс складаўся з уязной брамы, дзьвюх бакавых афіцынаў (зь якіх паўднёва-ўсходняя выконвала ролю палаца^[1]), гаспадарчых пабудоваў, калёны Сьвятога Арханёла Рафала і парку. За савецкім часам комплекс часткова зруйнавалі.

Гісторыя

Вялікае Княства Літоўскае

У другой палове XVIII ст. Станіслаў Радзівіл пачаў будаваць палацава-паркавы комплекс у фальварку Жырмунках (цяпер вёска Жырмуны). Аднак празь сьмерць князя ў 1787 годзе будаваньне комплексу спынілася.

Паводле вопісаў Лідзкага дэканату 1784 году, у Жырмунах быў «мураваны палац, каля гэтага палаца мураваная афіцына, дзьве іншыя драўляныя афіцыны атынкаваныя», а таксама гаспадарчыя пабудовы і калёна Сьвятога Арханёла Рафала^[1].

Пад уладай Расейскай імпэрыі

За часамі Першай сусьветнай вайны ў 1915 годзе комплекс разрабавалі.

Найноўшы час

У 1939 годзе палац разрабавалі другі раз. Па Другой сусьветнай вайне ў афіцынах пэўны час месьцілася школа і жытло. Пазьней комплекс занядбалі.

У красавіку 2018 году зьявілася інфармацыя пра пляны ўшчэнт зруйнаваць помнік архітэктуры^[2].

Архітэктура

Помнік архітэктуры клясыцызму. Комплекс складаецца з уязной брама, дзьвюх бакавых 2-павярховых афіцынаў (паўднёва-ўсходнюю афіцыну з багатым афармленьнем унутраных інтэр’ераў займалі самі Радзівілы, у паўночна-заходняй афіцыне жыла прыслуга), гаспадарчых пабудоваў і парку. Непадалёк знаходзіцца калёна Сьвятога Арханёла Рафала.

Галерэя

Гістарычныя здымкі

• Старыя здымкі, да 1939 году
• 
  Брама
• 
  Афіцыны
• 
  Дзьверы
• 
  Супрапорта

• 
  Дэкор вокнаў
• 
  Дэкор аднаго з пакояў
• 
  Фатэль
• 
  Разетка на суфіце аднаго з пакояў

Сучасныя здымкі

• Стан на 2007 год
• 
  Агульны выгляд
• 
  Афіцына
• 
  Брама
• 
  Сутарэньні