П’ячэнца

П’ячэ́нца (па-італьянску: Piacenza) — горад у паўночнай Італіі ў рэгіёне Эмілія-Раманьня, адміністрацыйны цэнтар правінцыі П’ячэнца. Насельніцтва складае 103 294 чалавекі (2020 год)^[3]. Горад разьмешчаны на паўднёвым беразе ракі По. Горад быў заснаваны ў 218 да н. э.^[4]

П’ячэнца
італ. Piacenza
Базыліка Сан-Франчэска на плошчы Кавальлі
Герб П’ячэнцы Сьцяг П’ячэнцы
Дата заснаваньня:	218 да н. э.
Краіна:	Італія
рэгіён:	Эмілія-Раманьня
правінцыя:	П’ячэнца
Мэр:	Патрыцыя Барбіеры
Плошча:	118,24 км² (9 кастрычніка 2011)[1]
Вышыня:	62 м н. у. м.
Насельніцтва:	▼102 465 чал. (1 студзеня 2023)[2]
Часавы пас:	UTC+1
Тэлефонны код:	0523
Паштовы індэкс:	29121–29122
Нумарны знак:	PC
Геаграфічныя каардынаты:	45°3′0″ пн. ш. 9°42′0″ у. д.
П’ячэнца на мапе Італіі П’ячэнца
Галерэя здымкаў у Вікісховішчы
https://www.comune.piacenza.it/

Дуома ў П’ячэнцы

Славутасьці

Гарадзкая пляніроўка П’ячэнцы ў значнай ступені прытрымлівацца той, што была прынятая яшчэ старажытнымі рымлянамі. Цэнтральнае збудаваньне гораду — цагляная катэдра (дуома) ў лямбардзка-раманскім стылі (1122—1253). Фасад катэдры Сан-Антоніё адносіцца да XI стагодзьдзя, але большая частка храму была пазьней перабудаваная. Сярод іншых значных храмаў — цэрквы Сан-Савіна (асьвечана ў 1107 г., рэдкія падлогавыя мазаікі XII ст.); Сан-Франчэска (закладзена ў 1278 г.); Санта-Марыя-дзі-Кампанья (1522—1528, фрэскі Пардэнонэ); Сан-Сіста (1499—1511; для гэтага храма Рафаэль напісаў «Сыкстынскую Мадону»). Велізарнае паляцца Фарнэзэ пачалі будаваць у 1558 г. для Маргарыты Аўстрыйскай, ды так і ня скончылі. Паляцца Камунале — сярэднявечная пабудова XIII—XIV стст.

Насельніцтва

Год	Колькасьць насельніцтва
2014	102 400[5]
2018	103 942
2020	103 294[3]

Асобы

• Франчэска Анджаліні (1750—1788) — езуіт, перакладнік, літаратар, выкладнік Полацкага езуіцкага калегіюму