Славацкія эўра

Славацкія эўра — наборы манэтаў эўра з нацыянальным дызайнам, якія б’юцца на Крэмніцкай мынцы.

Пачатковы набор славацкіх манэтаў эўра

Нацыянальны бок можа быць выкананы ў трох розных дызайнах. На манэтах драбнейшага наміналу выяўленая гара Крывань, на сярэдніх манэтах выяўлены Браціслаўскі замак, на манэтах у 1 і 2 эўра выяўлены герб Славаччыны. Нацыянальны бок кожнае манэты таксама ўтрымлівае 12 зорак, што сымбалізуюць Эўрапейскую раду, назву краіны і год выпуску.

Увядзеньне эўра

У 2005 року быў праведзены афіцыйны грамадзкі конкурс на лепшы дызайн славацкіх манэтаў эўра. 21 лістапада 2005 былі абвешчаныя вынікі конкурсу; самым папулярным дызайнам быў прызнаны герб Славаччыны^[1][2]. Пасьля гэтага Славаччына пачала праводзіць эканамічныя рэформы, неабходныя для пераходу на эўра.

На іх правядзеньне пайшло тры гады. Урэшце 1 красавіка 2008 НБС прадставіў свой плян па вывадзе з абарачэньня і зьнішчэньні кронаў^[3]. 3 чэрвеня 2008 року міністры фінансаў Эўрапейскага Зьвязу далі «зялёнае сьвятло» на далучэньне Славаччыны да эўразоны ў 2009 року.

8 ліпеня 2008 Эўрапейскі Зьвяз даслаў Славаччыне фармальнае запрашэньне і ўсталяваў афіцыйны курс абмену грошай — 30,126 кронаў за эўра^{[4][5][6][7][8]}.

19 жніўня 2008 па замове Нацбанку славацкія эўра пачалі біцца на мынцы ў Крэмніцы.

Дызайн

Манэты эўра Славаччыны — нацыянальны бок

0,01 €	0,02 €	0,05 €
0,10 €	0,20 €	0,50 €
1 €	2 €	Па краі двухэўравае манэты
2 € (2009)	2 € (2009)	2 € (2011)