Сымбаль сэдзі

Сымбаль сэ́дзі, таксама знак сэ́дзі (₵) — друкарскі сымбаль, які ўваходзіць у групу «Сымбалі валюты» (па-ангельску: Currency Symbols) стандарту Юнікод. Выкарыстоўваецца галоўным чынам для прадстаўленьня нацыянальнае валюты Ганы — сэдзі.

Ня варта блытаць з Сымбалем цэнту (¢).

Сымбаль ганскага сэдзі
₵
Выява
◄  ₳ ؋ ฿ Br ₵ ¢ ₡ ₢ ₴  ►
Іншыя назвы	Знак сэдзі
Зьвесткі
Тып	сымбаль валюты;
Кадаваньне ISO 4217	GHC (228) (да 2007) GHS (936) ( з 2007)
Краіна	Гана
Назва ў Юнікодзе	cedi sign
Юнікод	U+20B5
HTML	&#8373, &#x20b5
UTF-16	0x20B5
URL-код	%E2%82%B5
Гісторыя
Варыяцыі	GH₵
усе сымбалі · лацінка · кірыліца · грэцкія · дыякрытыкі · валюты · дапамога

Напісаньне

Сымбаль «₵» уяўляе сабой загалоўную лацінскую літару «C», перакрэсьленую адной вертыкальнай або дыяганальнай лініяй. Больш рэдкі варыянт знака — літара «C», у якой вертыкальна перакрэсьлена толькі верхняя частка. Канкрэтнае напісаньне залежыць ад шрыфта, выкарыстанага для вываду сымбаля^[1][2].

Сымбаль утвораны ад назвы грашовай адзінкі «сэдзі» на ангельскай мове (анг. Ghana Cedi).

Выкарыстаньне

Сымбаль «₵» выкарыстоўваецца, галоўным чынам, для прадстаўленьня нацыянальнай валюты Ганы — сэдзі (па-ангельску: Ghana Cedi)^[3]. Часам для абазначэньня сэдзі выкарыстоўваецца падобны сымбаль цэнту (¢)^[2]. Сымбаль таксама падобны на адну з разнавіднасьцяў сымбаля калёну (₡).