Трэцяя ракета

«Трэ́цяя раке́та» — аповесьць Васіля Быкава, упершыню выйшла ў часопісе «Маладосць» №2 у 1962 годзе і ў асобным выданьні — у той самы год^[1]. За гэты твор у 1964 годзе Быкаў стаў Ляўрэатам Літаратурнай прэміі імя Я. Коласа.

Трэцяя ракета
па-беларуску: Трэцяя ракета
Тытульны аркуш «Трэцяй ракеты» з подпісам аўтара
Жанр:	аповесьць
Аўтар:	Васіль Быкаў
Мова арыгіналу:	беларуская
Публікацыя:	1962
Выдавецтва:	Маладосьць
Электронная вэрсія

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Трэцяя ракета (неадназначнасьць).

Падставы напісаньня

Васіль Быкаў, прачытаўшы некалькі вайсковых твораў Рыгора Бакланава, адклаў усё і жарсна сеў пісаць «Трэцюю ракету». Але не пасьпеў яе скончыць за вясну, а летам яго выклікалі на вайсковыя зборы ў Наваградак. Нават у войску Быкаў працягваў пісаць кнігу.

	Мабыць, ніводную я не пісаў з такой апантанасьцю, як «Трэцюю ракету», сам ня ведаю, зь якой прычыны. Бывала, як толькі наставала пасьляабедзьдзе і па звыклым распарадку дня вайскоўцы клаліся спаць, я бег у ціхманы куток салдацкай курылкі і пісаў — алаўком у сшытку.
—Васіль Быкаў, Доўгая дарога дадому

Сюжэт

Нямецка-савецкая вайна ў Румыніі. Артылерыйскі разьлік трое содняў адрэзаны ад сваіх. Лёс зьвёў у адным акопе розных людзей, якім трэба адбіць першую танкавую атаку фашыстаў. У цяжкія часіны і сьмяротнай небясьпецы выяўляюцца сапраўдныя чалавечыя характары…

Экранізацыя

У 1963 годзе Беларусьфільм зьняў фільм паводле аповесьці пад назвай «Трэцяя ракета». Гэта была першая экранізацыя твора Быкава.