Хасэ Антоніё Рэес

Хасэ Антоніё Рэес Кальдэрон (па-гішпанску: José Antonio Reyes Calderón; 1 верасьня 1983 году, Утрэра, Гішпанія — 1 чэрвеня 2019 году) — гішпанскі футбаліст, паўабаронца ці нападнік, былы гулец нацыянальнай зборнай Гішпаніі.

Хасэ Антоніё Рэес
Пэрсанальная інфармацыя
Нарадзіўся	1 верасьня 1983 (42 гады) Утрэра, Гішпанія
Памёр	1 чэрвеня 2019(2019-06-01)[1] (35 гадоў) Алькала-дэ-Гуадаіра[d]
Рост	178 см
Вага	75 кг
Пазыцыя	паўабаронца
Клюбы
Гады	Клюб	Гульні (галы)¹
1999—2001 2000—2004 2004—2007 2006—2007 2007—2011 2008—2009 2012—2016 2016—2017	Сэвільля-2 Сэвільля Арсэнал → Рэал Мадрыд Атлетыка → Бэнфіка Сэвільля Эспанёл Барсэлёна	32 (1) 86 (21) 69 (16) 30 (6) 103 (8) 26 (4) 109 (9) 21 (3)
Зборныя
2003—2006	Гішпанія	21 (4)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 22 траўня 2017.

Кар’ера

Раньнія гады

Рэес далучыўся да моладзевай каманды мясцовага клюбу «Сэвільля» ва ўзросьце 10 гадоў. Ягоны талент быў вызначаны, і ён прадстаўляў клюб на ўсіх моладзевых узроўнях. Пасьля таго як пачаў гуляць за асноўную каманду «Сэвільлі» атрымаў рэпутацыю ўнівэрсальнага нападніка й стаў рэзка набіраць папулярнасьць.

«Арсэнал»

Узімку 2004 году гулец перайшоў у склад лёнданскага «Арсэналу». Сума ўгоды склала 25 млн фунтаў стэрлінгаў. У складзе ангельскага клюбу Рэес дэбютаваў 2 лютага ў матчы супраць «Манчэстэр Сіці» (2:1), а праз два дні забіў свой першы мяч у браму «Мідлзбра».

«Рэал»

Улетку 2006 году ў прэсе зьявілася інфармацыя аб тым, што да Рэеса праяўляе цікавасьць мадрыдзкі «Рэал». Сам футбаліст у інтэрвію некалькі раз адзначаў, што жадаў бы вярнуцца на радзіму.

У сэзоне 2006—2007 гадоў Рэес разам з «Рэалам» атрымаў перамогу ў чэмпіянаце Гішпаніі. Футбаліст выходзіў на поле ў трыццаці матчах і адзначыўся шасьцю забітымі мячамі, два зь якіх — у матчы апошняга туру супраць «Мальёркі» (3:1) — прынесьлі мадрыдцам чэмпіёнскі тытул. Пасьля заканчэньня сэзону ў прэсе зьявіліся чуткі аб тым, што Рэес можа перайсьці ў «Ліён».

«Атлетыка»

31 ліпеня 2007 году Рэес быў афіцыйна прадстаўлены ў якасьці гульца «Атлетыка». За гэты трансфэр «Арсэнал» атрымаў каля 12 мільёнаў эўра, а футбаліст падпісаў чатырохгадовы кантракт з мадрыдзкім клюбам. 27 жніўня 2010 году забіў за «Атлетыка» гол у матчы Супэркубка УЭФА супраць італьянскага «Інтэру», сустрэча скончылася перамогай гішпанцаў зь лікам 2:0.

«Сэвільля»

5 студзеня 2012 году гулец падпісаў кантракт з «Сэвільляй» тэрмінам да 30 чэрвеня 2015 году^[2][3]. Сума трансфэра склала 3,5 млн эўра^[4].

Дасягненьні

«Арсэнал»:

• Чэмпіён Ангельшчыны: 2004
• Уладальнік Кубку Ангельшчыны: 2005
• Уладальнік Супэркубку Ангельшчыны: 2005

«Рэал»:

• Чэмпіён Гішпаніі: 2007

«Бэнфіка»:

• Уладальнік Кубку лігі Партугаліі: 2009

«Атлетыка»:

• Уладальнік Кубку Інтэртота: 2007
• Пераможца Лігі Эўропы (2): 2010, 2012
• Уладальнік Супэркубку УЭФА: 2010