Царква Ўсьпеньня Багародзіцы (Сялец)

Царква Ўсьпеньня Багародзіцы^[a] — помнік гісторыі другой паловы XIX стагодзьдзя (мураўёўка) у Сяльцы. Знаходзіцца ў цэнтры колішняга мястэчка, на Бярозаўскай вуліцы. Дзее. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Ўсьпеньня Багародзіцы.

Помнік гісторыі
Царква Ўсьпеньня Багародзіцы
Царква Ўсьпеньня Багародзіцы
Краіна	Беларусь
Вёска	Сялец
Каардынаты	52°35′20.31″ пн. ш. 24°52′20.36″ у. д.
Канфэсія	Беларуская праваслаўная царква
Архітэктурны стыль	псэўдарускі стыль[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Ўсьпеньня Багародзіцы на мапе Беларусі Царква Ўсьпеньня Багародзіцы
Царква Ўсьпеньня Багародзіцы на Вікісховішчы

Гісторыя

Царква, 1935 г.

Мураваную царкву Ўрадавага сыноду Расейскай імпэрыі (Маскоўскай царквы) у Сяльцы збудавалі ў 1870 годзе на месцы зачыненага расейскімі ўладамі касьцёла.

Архітэктура

Прыклад эклектычнай царкоўнай архітэктуры Расейскай імпэрыі. Мае выцягнутая падоўжнай восьсю кампазыцыю: званіца, трапезная, асноўны аб’ём з бакавымі парталамі і 5-гранная апсыда, да якой далучаюцца дзяканьнік і ахвярнік. Архітэктурна-дэкаратыўнае аздабленьне засноўваецца на спалучэньні традыцыяў клясыцызму (апрацоўка сьценаў пілястрамі тасканскага ордэра, прафіляваныя высокія карнізы, абрамленьні паўкруглых акон асноўнага аб’ёма) і характэрных формаў маскоўскага дойлідзтва XVІІ ст. (канструкцыйная схема званіцы — васьмярык на чацьверыку, шатровы дах з купалам-цыбулінай, кілепадобныя какошнікі парталаў і вежы-званіцы).

Унутраная прастора перакрываецца роўнай стольлю на падугах (праектаваліся цыліндрычным скляпеньнем), у малітоўную залю шырокімі прасьветамі адкрываюцца трапезная і апсыда, вылучаная іканастасам з разнымі царскімі варотамі. У інтэр’еры захоўваюцца абразы XVIII — XIX стагодзьдзящ выкананы ў акадэмічна-клясыцыстычным стылі: «Пакроў», «Мікалай Цудатворца», «Сьвятыя Пётар і Павал», «Усьпеньне», «Антоні Пячэрскі», «Сьвяты архідыякан», «Маці Божая Замілаваньне», «Ісус Хрыстос», «Праабражэньне Гасподняе», «Сьвяты прарок Арон», «Увядзеньне ў храм Багародзіцы», «Сьвяты архідыякан Лаўрэнці»^[1].

Заўвагі

1. Назва царквы прыводзіцца паводле афіцыйнага тытулу Маскоўскага патрыярхату (рас. Церковь Успения Пресвятой Богородицы, Свято-Успенская церковь), тым часам беларускай гістарычнай традыцыі адпавядае назва царква Прачыстай Багародзіцы або Прачысьценская царква