Шуцманшафт

Шу́цманшафт (па-нямецку: Schutzmannschaft, скар. шу́ма, ням. SchuMa; ад ням. Schützen — «ахоўваць» і ням. Mannschaft — «каманда») — «ахоўныя дружыны», асаблівыя падразьдзяленьні, першапачаткова ў складзе дапаможнае паліцыі Нямецкага Райху на акупаваных тэрыторыях у рокі Другое сусьветнае вайны, карныя батальёны, якія дзейнічалі пад непасрэдным камандаваньнем немцаў і разам зь іншымі нямецкімі часткамі. Як правіла, фармаваліся з тутэйшага насельніцтва і ваеннапалонных. Пазьней на грунце асобных батальёнаў былі сфармаваныя часткі Вафэн СС.

Шуцманшафт
Schutzmannschaft
Гады існаваньня	1941—1945
Краіна	Нацысцкая Нямеччына
Уваходзіць у	паліцыя парадку
Тып	дапаможная паліцыя
Функцыі	карныя апэрацыі й барацьба з партызанамі
Колькасьць	блізу 300 000 чалавек
Дысьлякацыя	Генэрал-губэрнатарства Райхскамісарыят Остлянд Райхскамісарыят Украіна Райхскамісарыят Масковія
Дэвіз	«Treu, Tapfer, Gehorsam» («Верны, Храбры, Паслухмяны»)
Войны	Другая сусьветная вайна Нямецка-савецкая вайна

Былі найболей шматлікія на колішніх польскіх тэрыторыях, у заходняй частцы Савецкага Саюзу і ў Балтыі.

Форма

Сябры шуцманшафту насілі нямецкую вайсковую форму, але з асаблівымі знакамі адрозьненьня (), на рукаве мелі нашыўку з надпісам «Treu, Tapfer, Gehorsam» — «Верны, Храбры, Паслухмяны».

Прымяненьне

Першыя батальёны «Шума» сталі стварацца немцамі напрыканцы ліпеня 1941 году. Да канца 1942 року колькасьць «шумы» дасягнула прыкладна 300 тысячаў людзей, зарганізаваных у батальёны, а таксама якія служылі на розных асобных пасадах.

Супольная(недаступная спасылка) апэрацыя шуцманшафту й паліцыі бясьпекі падчас Паўстаньня ў Варшаўскім гета Здымак да рапарта Юргена Штропа, травень 1943 году. Арыгінальны нямецкі тэкст: «Ужываньне туземных жаўнераў у апэрацыі»

Шуцманшафт-дружыны прымалі ўдзел у забойстве жыдоў у хадзе «канчатковага вырашэньня жыдоўскага пытаньня», у ахове канцэнтрацыйных лягероў і лягероў сьмерці, а таксама былі чынна далучаныя ў гэтак званыя «дзеяньні па ліквідацыі бандыцкіх фармаваньняў» (антыпартызанскія дзеяньні).

Часта ў адносінах да шуцманаў выкарыстоўваўся тэрмін «туземныя жаўнеры» («аскары» па-нямецку: Askari).^[1][2]

Сыстэма годнасьцяў

Адпаведнасьць сыстэмы годнасьцяў ахоўнае паліцыі й вэрмахту.^[3]

Шуцманшафт	Вэрмахт
Schutzmann	Schütze	Шараговец
Unterkorporal	Gefreiter	Яфрэйтар
Vizekorporal	Obergefreiter
Korporal	Stabsgefreiter
Vizefeldwebel	Feldwebel	Саржант
Kompaniefeldwebel	Oberfeldwebel	Старшы саржант
Zugführer	Leutnant	Лейтэнант
Oberzugführer	Oberleutnant	Старшы лейтэнант
Kompanieführer	Hauptmann	Капітан
Batallionsführer	Major	Маёр

Беларускія шуцманшафты

Асноўны артыкул: Беларуская дапаможная паліцыя

Сьпіс некаторых беларускіх фармаваньняў шуцманшафту:

• 45-ы батальён дапаможнай паліцыі
• 46-ы батальён дапаможнай паліцыі
• 47-ы батальён дапаможнай паліцыі
• 48-ы батальён дапаможнай паліцыі
• 49-ы батальён дапаможнай паліцыі
• 60-ы батальён дапаможнай паліцыі
• 64-ы батальён дапаможнай паліцыі
• 65-ы батальён дапаможнай паліцыі
• 66-ы батальён дапаможнай паліцыі
• 67-ы батальён дапаможнай паліцыі
• 68-ы батальён дапаможнай паліцыі
• 101-ы батальён дапаможнай паліцыі
• 104-ы батальён дапаможнай паліцыі
• Брыгада дапаможнай паліцыі «Зіглінг»

Глядзіце таксама

• Беларуская дапаможна паліцыя
• Украінская дапаможная паліцыя