Эманюэль Адэбаёр

Эманюэль Адэбаёр (па-француску: Emmanuel Adebayor; нар. 26 лютага 1984 году, Лямэ, Тога) — былы тагалескі футбаліст, нападнік. Гулец нацыянальнай зборнай Тога. Удзельнік чэмпіянату сьвету 2006 году й неаднаразовы ўдзельнік Кубкаў афрыканскіх нацыяў.

Эманюэль Адэбаёр
Пэрсанальная інфармацыя
Нарадзіўся	26 лютага 1984(1984-02-26)[1][2][3] (41 год) Лямэ, Тога
Рост	191 см
Вага	84 кг
Пазыцыя	нападнік
Клюбы
Гады	Клюб	Гульні (галы)¹
2001—2003	Мэц	44 (15)
2003—2006	Манака	78 (18)
2006—2009	Арсэнал Лёндан	104 (46)
2009—2012	Манчэстэр Сіці	34 (15)
2011—2012	→ Тотэнгэм Готспур	33 (17)
2011	→ Рэал Мадрыд	14 (5)
2012—2015	Тотэнгэм Готспур	59 (18)
2016	Крыстал Пэлас	12 (1)
2017—2019	Істанбул Башакшэхір	60 (24)
2019	Кайсэрыспор	8 (2)
2020	Алімпія Асунсьён	2 (0)
2021—2023	Сэмасі[d]
Зборныя
2000—2019	Тога[d]	87 (32)

Кар’ера

Клюбная

Выступаў за ангельскі «Арсэнал» (2006—2009), за францускія клюбы «Манака» (2003—2006) і «Мэц» (2001—2003).

Нядрэнна дэбютаваў за «Мэц» у сэзоне 2001—2002 гадоў, але яшчэ мацней ён уразіў усіх у наступным сэзоне, забіўшы 13 галоў. Такой гульнёй зацікавіў «Манака». З гэтым клюбам дайшоў да фіналу Лігі чэмпіёнаў сэзона 2003—2004 гадоў, а таксама быў прызнаны найлепшым тагалескім гульцом году.

За «Арсэнал» дэбютаваў у матчы супраць «Бірмінггэм Сіці», які кананіры выйгралі зь лікам 2:0, а сам тагалезец забіў адзін з галоў. У сэзоне 2006—2007 гадоў Адэбаёр забіў 8 мячоў у складзе «Арсэнала» й з сыходам Анры стаў галоўнай ударнай сілай свайго клюбу. У траўні 2007 году гульц падпісаў з «Арсэналам» доўгатэрміновы кантракт.

18 ліпеня 2009 году за 25 млн фунтаў перайшоў у «Манчэстэр Сіці»^[4], дзе адразу забіў 14 галоў у Прэм’ер-Лігі. Аднак у сэзоне 2010—2011 гадоў Адэбаёр спыніў трапляць у асноўны склад і ў студзені 2011 году быў аддадзены ў арэнду мадрыдзкаму «Рэалу» да канца сэзону з правам выкупу за 15 млн фунтаў.

25 жніўня 2011 году на правах арэнды перабраўся ў «Тотэнгэм Готспур». Пераход 28-гадовага футбаліста быў афіцыйна пацьверджаны лёнданскім клюбам. 21 жніўня 2012 году «Тотэнгэм» выкупіў правы на гульца, сума зьдзелкі склала 5 млн фунтаў^[5].

Міжнародная

За нацыянальную зборную Тога пачаў гуляць у 2000 годзе. Стаў сапраўдным героем краіны, забіўшы 11 галоў у афрыканскай кваліфікацыі на чэмпіянат сьвету 2006 году й стаўшы ейным найлепшым бамбардзірам, дзякуючы чаму зборная Таго ўпершыню ў сваёй гісторыі патрапіла на мундыяль. Нягледзячы на невялікі канфлікт з кіраўніцтвам зборнай на Кубку афрыканскіх нацыяў 2006 году, Эманюэль стаў капітанам зборнай.

Дасягненьні

«Рэал»:

• Уладальнік Кубку Гішпаніі: 2011