Кэмдэн (бора)

Ка́мдэн або Кэмдэн (англ.: Camden) — з 1965 года адзін з бора Лондана, які займае частку горада на поўнач ад Вэстмінстэра і Сіці. Займае плошчу ў 21 кв. км. і цягнецца ад Хай-Холбарна да парку Хэмпстэд-хіт. Гістарычным цэнтрам з’яўляецца раён Кэмдэн-таўн, які носіць імя 1-га графа Кемдэна.

Кэмдэн
Герб
Краіна	Вялікабрытанія[1]
Уваходзіць у	графства Вялікі Лондан
Дата ўтварэння	1 красавіка 1965
Кіраўнік	Georgia Gould[d][2]
Насельніцтва	▼218 049 чал. (2022)[3]
Плошча	21,7895 км² (2016)[4]
Часавы пояс	UTC+0 і UTC+1
Код ISO 3166-2	GB-CMD
Тэлефонны код	020
Паштовыя індэксы	EC, N, NW, W і WC
Афіцыйны сайт
Медыяфайлы на Вікісховішчы

Даўней тэрыторыя Кэмдэна была заселена рамеснікамі. Тут рабілі гадзіннікі (у Клеркенвеле), фартэпіяна, мэблю і ювелірныя вырабы. Пры Гановерскай дынастыі раён Блумсберы стаў зменьвацца. Брытанскія арыстакраты ахвотна ўкладвалі сродкі ў забудову, каб затым здаваць нерухомасць у арэнду. Так узніклі Квін-сквер, Расел-сквер, Фіцрой-сквер, Блумсберы-сквер і Бедфард-сквер — квадратныя плошчы з садкамі пасярэдзіне, якія дагэтуль захоўваюць першапачатковую геаргіянскую забудову.

Напачатку XIX стагоддзя, у эпоху Рэгенцтва, Лондан працягваў расці на поўнач. Архітэктар Джон Нэш па просьбе прынца-рэгента разбіў на поўдні Кэмдэна шырокі Рыджэнтс-парк, адкуль на поўнач быў пракапаны канал Рыджэнтс. Яго наваколлям Роберт Браўнінг даў мянушку «маленькая Венецыя». Дасведчаны забудоўшчык Томас К'юбіт стварыў новыя кэмдэнскія плошчы — Гордан-сквер і Уоберн-сквер.

Поспехі К’юбіта і іншых горадабудаўнікоў стварылі перадумовы для хуткага росту насельніцтва Кэмдэна ў віктарыянскую эпоху. Менавіта тут размясціліся Брытанскі музей і Лонданскі ўніверсітэт, былі выбудаваны гіганцкія вакзальныя комплексы Кінгс-Крос і Сент-Панкрас (апошні названы ў гонар царквы Св. Панкрація, адной з найстарэйшых у Лондане). У 1960-я гады ў Кэмдэне з’явіліся небаскробы Юстэн Таўэр і BT Tower — самы высокі будынак Лондана.

У наш час фешэнэбельныя кварталы Кэмдэна суседнічаюць з даволі дэмакратычнай забудовай. Сярод лонданцаў асаблівай папулярнасцю карыстаюцца блышыныя рынкі Кэмдэна, а таксама сквер Лінкальнс-Ін-Філдс — самая вялікая плошча Лондана і прататып манхэтэнскага Цэнтральнага парку.

Зноскі

1. archINFORM — 1994. Праверана 5 лістапада 2018.

   <a href='https://wikidata.org/wiki/Track:Q265049'></a>
2. Councillor Georgia Gould confirmed as new Leader of Camden Council — Camden London Borough Council. Праверана 20 лістапада 2021.

   <a href='https://wikidata.org/wiki/Track:Q5025790'></a>
3. https://www.ons.gov.uk/peoplepopulationandcommunity/populationandmigration/populationestimates/datasets/estimatesofthepopulationforenglandandwales
4. https://ons.maps.arcgis.com/home/item.html?id=a79de233ad254a6d9f76298e666abb2b