М’ёй (архіпелаг)

М’ёй, або М’ей (бірм.: မြိတ်မြို့) — група астравоў у Андаманскіх моры ўздоўж паўднёва-ўсходніх берагоў М’янмы. Плошча — каля 3500 км².

М’ёй
бірм. မြိတ်မြို့
Астраўная вёска
Характарыстыкі
Колькасць астравоў	больш за 800
Найбуйнейшы востраў	Кадан-К’юн
Агульная плошча	3 500 км²
Найвышэйшы пункт	767 м
Размяшчэнне
12°30′00″ пн. ш. 98°22′00″ у. д.HGЯO
Акваторыя	Індыйскі акіян
Краіна	М’янма
М’ёй
Медыяфайлы на Вікісховішчы

Прырода

Архіпелаг сфарміраваўся ў выніку заканчэння апошняга ледавіковага перыяду і наступлення акіяна на кантынентальную сушу. Для геалогіі характэрны комплексы вапнякоў, гранітаў, пясчаніка. Дзякуючы працэсу выветрывання скалістыя берагі астравоў маюць пячоры, прыродныя аркі і выглядаюць вельмі маляўніча. Асабліва вядомы так званыя чорныя скалы. У навакольных водах здабываюць нафту.

Клімат трапічны вільготны, вызначаны дзеяннем сезонных мусонаў. У чэрвені — жніўні сярэдняя колькасць ападкаў дасягае 375—410 мм у месяц. Найбольш сухі месяц — студзень, калі сярэдняя колькасць ападкаў не перавышае 13 мм. Сярэднегадавая тэмпература — +28,5°C.

На многіх астравах захаваліся лясы, населеныя малпамі, яшчаркамі, змеямі, кракадзіламі, рознымі відамі птушак. Для захавання прыроды ў 1997 г. улады М’янмы забаранілі вырубку лясоў.

Культурныя асаблівасці

Архіпелаг М’ёй здаўна населены аўстранезійцамі-мокен, якія захоўваюць качавы лад жыцця, сезонна перамяшчаюцца на лодках паміж астравамі. З 1996 г. развіваецца міжнародны турызм.

Спасылкі

• The fascinating geology of Myanmar’s Mergui Archipelago
• The Andaman Sea Rocks Архівавана 9 сакавіка 2016.
• Myanmar — Mergui Archipelago Архівавана 9 верасня 2017.
• The lost world: Myanmar’s Mergui islands