Іван Кірылавіч Варапаеў

Іван Кірылавіч Варапаеў (7 красавіка 1905, в. Трубільня, Краснапольскі раён — 11 лістапада 1959, г. Каломна Маскоўская вобласць) — Герой Савецкага Саюза, камандуючы артылерыяй 4-га гвардзейскага стралковага корпуса 8-й гвардзейскай арміі 1-га Беларускага фронту, гвардыі генерал-маёр артылерыі^[1]. Герой Савецкага Саюза (1944)^[1].

Іван Кірылавіч Варапаеў
Дата нараджэння	7 красавіка 1905(1905-04-07)
Месца нараджэння	Трубільня, Чэрыкаўскі павет, Магілёўская губерня, Расійская імперыя
Дата смерці	11 лістапада 1959(1959-11-11) (54 гады)
Месца пахавання	Каломна
Грамадзянства	СССР
Прыналежнасць	Расійская імперыя
Род войскаў	артылерыя
Гады службы	1925—1950
Званне	гвардыі генерал-маёр Генерал-маёр
Бітвы/войны	Грамадзянская вайна ў Іспаніі, Польскі паход РККА, Савецка-фінская вайна, Вялікая Айчынная вайна: Сталінградская бітва, Курская бітва, Вызваленне Правабярэжнай Украіны, Бітва за Берлін
Узнагароды і званні
Медыяфайлы на Вікісховішчы

Біяграфія

Нарадзіўся ў беларускай сялянскай сям'і. З 1924 працаваў на заводах Гомеля.

У Чырвонай Арміі з 1927 года^[1]. У 1934 годзе скончыў курсы ўдасканалення каманднага складу артылерыі, служыў на розных камандных пасадах.

Удзельнік грамадзянскай вайны ў Іспаніі (1937—1938 гадоў), вызвалення Заходняй Беларусі (1939), савецка-фінскай вайны (1939—1940 гадоў)^[1].

Падчас Вялікай Айчыннай вайны з 1941 ваяваў на Заходнім, Паўднёва-Заходнім, 3-м Украінскім, 1-м Беларускім франтах, удзельнік Сталінградскай, Курскай бітваў, вызвалення Украіны, Беларусі, Польшчы, баёў у Германіі^[1].

Камандаваў артылерыйскім палком, артылерыяй дывізіяй, корпусам.

Варапаеў І. К. вызначыўся ў жніўні 1944 года пры фарсіраванні Віслы ў раёне польскага горада Магнушаў  (руск.) артылерыйскім агнём забяспечыў пераправу злучэнняў корпуса, асабіста кіраваў пераправай артылерыі. За месяц наступальных баёў артылерыя корпуса знішчыла 106 варожых танкаў і самаходных гармат, 172 гармат і мінамётаў^[1].

Пастановай Савета Народных Камісараў Саюза ССР ад 28 жніўня 1944 г. № 1142 палкоўніку Варапаеву І. К. прысвоена воінскае званне «генерал-маёр артылерыі».

Указам Прэзідыума Вярхоўнага Савета СССР ад 26 кастрычніка 1944 года за ўмелае і паспяховае камандаванне артылерыяй стралковага корпуса, узорнае выкананне баявых заданняў камандавання на фронце барацьбы з нямецка-фашысцкімі захопнікамі і праяўленыя пры гэтым мужнасць і гераізм гвардыі генерал-маёру артылерыі Варапаеву Івану Кірылавіча было прысвоена званне героя Савецкага Саюза (№ 3113).

Пасля вайны Варапаеў І. К. працягнуў службу ў Савецкай Арміі. У 1946 годзе скончыў Ваенную акадэмію Генеральнага штаба. З 1946 да 1948 году служыў намеснікам начальніка Вышэйшай афіцэрскай штабной школы ў горадзе Каломне Маскоўскай вобласці. З 1948 года — камандуючы артылерыяй стралковага корпуса ў горадзе Ціраспалі Адэскай ваеннай акругі.

У 1950 году гвардыі генерал-маёр артылерыі Варапаеў І. К. быў звольнены ў запас па хваробе^[1].

Пасля смерці, якая рушыла 11 лістапада 1959 года, пахаваны ў Каломне на вайсковых могілках.

Узнагароды

• Герой Савецкага Саюза (26 кастрычніка 1944),
• Ордэн Леніна,
• Ордэн Чырвонага Сцяга (тройчы),
• Ордэн Суворава 2-й ступені,
• Ордэн Багдана Хмяльніцкага 2-й ступені,
• Ордэн Чырвонай Зоркі (двойчы),
• Медалі СССР,
• Замежныя ўзнагароды.

Памяць

Мастацкі канверт з арыгінальнай маркай «100 гадоў з дня нараджэння І. К. Варапаева», «Белпошта». 2005.

• На магіле Героя Савецкага Саюза І. К. Варапаева ўсталяваны помнік ад Міністэрства абароны СССР.
• Бюст гвардыі генерал-маёра артылерыі І. К. Варапаева усталяваны ў Каломне ў Мемарыяльным парку на Алеі памяці каломенцаў.
• Імя І. К. Варапаева прысвоена Клясінскай васьмігадовай школе; яго імем названа вуліца ў п. Краснаполле.
• Імем І. К. Варапаева названа вуліца ў г. Уладзівасток.
• У 2005 года Міністэрства сувязі і інфарматызацыі Рэспублікі Беларусь увяло ў паштовае абарачэнне мастацкі канверт з арыгінальнай маркай «100 гадоў з дня нараджэння І. К. Варапаева».