Іван Міхайлавіч Паўловіч

У Вікіпедыі ёсць артыкулы пра іншых людзей з прозвішчам Паўловіч.

Іван Міхайлавіч Паўловіч (7 сакавіка 1896, в. Старое Сяло, Мсціслаўскі раён — 19 ліпеня 1944) — удзельнік Вялікай Айчыннай вайны, Герой Савецкага Саюза.

Іван Міхайлавіч Паўловіч
Дата нараджэння	24 лютага (7 сакавіка) 1896(1896-03-07)
Месца нараджэння	Старое Сяло, Мсціслаўскі павет, Магілёўская губерня, Расійская імперыя
Дата смерці	19 ліпеня 1944(1944-07-19) (48 гадоў)
Месца смерці	Брэсцкая вобласць, Беларуская ССР, СССР
Месца пахавання	Курашэва
Грамадзянства	СССР
Прыналежнасць	Расійская імперыя  — з 1915  СССР
Род войскаў	пяхота
Гады службы	1919—1944
Званне	Палкоўнік
Часць	399-я стралковая дывізія 2-га фарміравання 48-я армія 1-ы Беларускі фронт
Бітвы/войны	Грамадзянская вайна Вялікая Айчынная вайна
Узнагароды і званні	Медаль «XX гадоў Рабоча-Сялянскай Чырвонай Арміі»

Біяграфія

У арміі з 1915 г., у Чырвонай Арміі з 1919 г.. Удзельнік Грамадзянскай вайны, потым у пагранічных войсках на Далёкім Усходзе. Скончыў Вышэйшую паграншколу НКУС у 1928 г., Школу ўдасканалення камсаставу НКУС у 1938 г.. З 1943 г. на Цэнтральным, Беларускім і 1-м Беларускім франтах. Удзельнік Курскай бітвы. Намеснік камандзіра стралковай дывізіі палкоўнік Паўловіч Іван Міхайлавіч вызначыўся пры вызваленні Беларусі. 24.06.1944 г. падняў батальён на прарыў варожай абароны на рацэ Друць каля горада Рагачоў і захапіў траншэі праціўніка, 29.06.1944 г. арганізаваў фарсіраванне ракі Бярэзіна, у ліку першых уварваўся ў Бабруйск; 19.07.1944 г. на паўднёвазаходнім напрамку ад Брэста ўзначаліў полк, які адбіў атаку 60 варожых танкаў. Загінуў у гэтым баі.

Прэзідыум Вярхоўнага Савета СССР Указам ад 6 красавіка 1945 г. пасмяротна прысвоіў Паўловічу Івану Міхайлавічу званне Героя Савецкага Саюза.

Памяць

У гонар І. М. Паўловіча названы вуліцы ў гарадах Мсціслаў і Хабараўск.

Зноскі