Ілья Валер’евіч Ікан

Ілля Валер’евіч Ікан (нар. 10 студзеня 1981, в. Пчальнік, Барысаўскі раён) — беларускі эканаміст і дэпутат.

Ілья Валер’евіч Ікан
Нараджэнне	10 студзеня 1981(1981-01-10) (44 гады) Пчэльнiк, Прыгарадны сельсавет, Барысаўскі раён, Мінская вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Ікан.

Біяграфія

Нарадзіўся 10 студзеня 1981 года ў вёсцы Пчальнік Барысаўскага раёна Мінскай вобласці^[1].

Скончыў Беларускі дзяржаўны тэхналагічны ўніверсітэт, Акадэмію кіравання пры Прэзідэнце Рэспублікі Беларусь^[1].

Працаваў эканамістам мінскага завода «Тэрмапласт», ТАА «ПрамСтальКанструкцыя»; займаў розныя пасады ў Беларускім дзяржаўным канцэрне па нафце і хіміі; быў намеснікам генеральнага дырэктара па эканоміцы і фінансах ААТ «Нафтан»; генеральным дырэктарам ААТ «Полацк-Шкловалакно»^[1]. Старшыня Беларускага дзяржаўнага канцэрна па нафце і хіміі^[1].

Дэлегат VII Усебеларускага народнага сходу^[1].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Віцебскай вобласці (вылучаны ад Полацкага і Верхнядзвінскага раёнаў)^[1]. Член Пастаяннай камісіі Савета Рэспублікі па эканоміцы, бюджэце і фінансах^[1].

Узнагароды

Мае падзякі Прэм’ер-міністра Рэспублікі Беларусь, старшыні Беларускага дзяржаўнага канцэрна па нафце і хіміі; узнагароджаны ганаровымі граматамі Віцебскага аблвыканкама і канцэрна «Белнафтахім»^[1].