Віктар Міхайлавіч Каранкевіч

Ві́ктар Міха́йлавіч Каранке́віч (нар. 1 жніўня 1976, г. п. Кіраўск, Магілёўская вобласць) — беларускі дзяржаўны дзеяч, Міністр энергетыкі Рэспублікі Беларусь (2018—2024), Намеснік Прэм’ер-міністра Беларусі (з 2024 года).

Віктар Міхайлавіч Каранкевіч
міністр энергетыкі Рэспублікі Беларусь 31 жніўня 2018 — 12 жніўня 2024
Папярэднік	Уладзімір Мікалаевіч Патупчык
Пераемнік	Аляксей Кушнарэнка
намеснік Прэм’ер-міністра Рэспублікі Беларусь[d] з 12 жніўня 2024
Папярэднік	Пётр Аляксандравіч Пархомчык
Нараджэнне	1 жніўня 1976(1976-08-01) (49 гадоў) Кіраўск, Кіраўскі раён, Магілёўская вобласць, Беларуская ССР, СССР
Адукацыя	Інстытут сучасных ведаў імя А. М. Шырокава (1997) БНТУ (2005) Акадэмія кіравання пры Прэзідэнце Рэспублікі Беларусь (2010)
Месца працы	Белэнерга Міністэрства энергетыкі Рэспублікі Беларусь
Узнагароды	Ганаровая грамата Савета Міністраў Рэспублікі Беларусь

Біяграфія

Нарадзіўся 1 жніўня 1976 года ў г. п. Кіраўск Кіраўскага раёна Магілёўскай вобласці.

У 1993 годзе скончыў сярэднюю школу № 1 г. Кіраўска^[1].

У 1997 годзе скончыў недзяржаўны Інстытут сучасных ведаў па спецыяльнасці «Эканамічная інфарматыка», у 2005 годзе — энергетычны факультэт Беларускага нацыянальнага тэхнічнага ўніверсітэта па спецыяльнасці «Цеплаэнергетыка», у 2010 годзе — Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне нацыянальнай эканомікай»^[2].

У 1997—2004 гадах — спецыяліст другой катэгорыі аддзела прыватызацыі і кіравання дзяржмаёмасцю, спецыяліст першай катэгорыі ўпраўлення эканомікі, вядучы спецыяліст Цэнтра разлікаў за ператокі Беларускага дзяржаўнага энергетычнага канцэрна.

У 2004—2006 гадах — начальнік фінансавага аддзела — намеснік начальніка ўпраўлення фінансаў, уліку і справаздачнасці Беларускага дзяржаўнага энергетычнага канцэрна.

У 2006—2012 гадах — начальнік галоўнага эканамічнага ўпраўлення Міністэрства энергетыкі Рэспублікі Беларусь.

У 2012—2017 гадах — намеснік Міністра энергетыкі Рэспублікі Беларусь.

З 27 студзеня 2017 года — першы намеснік Міністра энергетыкі Рэспублікі Беларусь.

З 31 жніўня 2018 года — Міністр энергетыкі Рэспублікі Беларусь^[3].

12 жніўня 2024 года прызначаны Намеснікам Прэм’ер-міністра Рэспублікі Беларусь, які курыруе прамысловасць і энергетыку^[4].

Санкцыі

У чэрвені 2022 года трапіў пад санкцыі Канады^[5].

Сям’я

• Брат — Антон Міхайлавіч Каранкевіч (нар. 1983) — беларускі палітык.

Узнагароды

• Ганаровая грамата Савета Міністраў Рэспублікі Беларусь (2012);
• Ордэн Айчыны III ступені (2024).

Зноскі

1. День знаний в родной школе Кировска (нявызн.)(недаступная спасылка). Архівавана з першакрыніцы 16 ліпеня 2022. Праверана 12 жніўня 2024.
2. Біяграфія Міністра энергетыкі Рэспублікі Беларусь (руск.)(недаступная спасылка). Аб міністэрстве. Міністэрства энергетыкі Рэспублікі Беларусь (31 жніўня 2018). Архівавана з першакрыніцы 17 жніўня 2018. Праверана 31 жніўня 2018.
3. Лукашэнка разгледзеў кадравыя пытанні (нявызн.). БЕЛТА (31 жніўня 2018).
4. Назначэнні ва ўрадзе, рэгіёнах, Мінэнерга і БЧ. Падрабязнасці кадравага панядзелка ў Лукашэнкі
5. Regulations Amending the Special Economic Measures (Belarus) Regulations: SOR/2022-167 (англ.). Canada Gazette (25 чэрвеня 2022). Праверана 10 красавіка 2023.