Юрый Васілевіч Гаўрын

Юрый Васілевіч Гаўрын (17 студзеня 1943, пасёлак Зіядзін, Пахтачыйскі раён, Самаркандская вобласць, СССР — 12 жніўня 2016, Мінск) — беларускі мастак-жывапісец, манументаліст.

Юрый Васілевіч Гаўрын
Дата нараджэння	17 студзеня 1943(1943-01-17)
Месца нараджэння	Зіядзін[d], Пахтачыйскі раён[d], Самаркандская вобласць, Узбекская ССР, СССР
Дата смерці	12 жніўня 2016(2016-08-12) (73 гады)
Месца смерці	Мінск, Беларусь
Род дзейнасці	мастак
Месца працы	Інстытут сучасных ведаў імя А. М. Шырокава
Жанр	партрэт, пейзаж, карціна
Вучоба	Мінскае мастацкае вучылішча (1966) Беларускі дзяржаўны тэатральна-мастацкі інстытут (1972)
Мастацкі кірунак	рэалізм, сюррэалізм
Вядомыя працы	вітражы для Беларускага тэатра імя Якуба Коласа ў Віцебску, кінатэатра «Цэнтральны» ў Мінску, будынку Міністэрства абароны Расіі ў Маскве, роспіс «Медыцына» для будынка Мінскага дзяржаўнага медыцынскага інстытута.
Уплыў	Леанід Шчамялёў,
Узнагароды	За заслугі ў выяўленчым мастацтве[d] Нагрудны знак «За ўклад у развіццё культуры Беларусі»
Медыяфайлы на Вікісховішчы

Біяграфія

Пасля заканчэння Вялікай Айчыннай вайны пераехаў з маці з Узбекістана ў Дуброўна Віцебскай вобласці^[1].

У 1966 годзе скончыў Мінскае мастацкае вучылішча, у 1972 — Беларускі тэатральна-мастацкі інстытут, аддзяленне манументальна-дэкаратыўнага мастацтва. Удзел у мастацкіх выстаўках пачаў браць з 1965 года. У 1978 стаў членам Саюза мастакоў БССР. Працаваў у галіне манументальна-дэкаратыўнага мастацтва і станковага жывапісу. 13 гадоў выкладаў жывапіс і малюнак у Інстытуце сучасных ведаў імя А. М. Шырокава, з 2011 года — дацэнт^[2].

З’яўляўся Ганаровым грамадзянінам горада Дуброўна з 2003 года.

Дачка Юрыя Гаўрына Лада Стэфановіч таксама стала мастаком-манументалістам.

Творчасць

Выканаў роспіс «Медыцына» для будынка Мінскага дзяржаўнага медыцынскага інстытута (1966), вітражы для Беларускага тэатра імя Якуба Коласа ў Віцебску (1988), у будынках Прамбудбанка і Нацбанка ў Гомелі (1989), кінатэатра «Цэнтральны» ў Мінску (1990), будынку Міністэрства абароны Расіі ў Маскве (1993).

Творы мастака знаходзяцца ў Нацыянальным мастацкім музеі Беларусі, Музеі сучаснага выяўленчага мастацтва, Літаратурным музеі Максіма Багдановіча ў Мінску і фондах Беларускага саюза мастакоў^[3].

Узнагароды

• Медаль «За заслугі ў выяўленчым мастацтве»
• Нагрудны знак «За ўклад у развіццё культуры Беларусі»
• Ганаровая грамата Міністэрства замежных спраў Рэспублікі Беларусь «За значны асабісты ўклад у распаўсюджванне культурных дасягненняў Рэспублікі Беларусь у замежных краінах»

Выстаўкі

• 2008 — «Тэмпера», юбілейная выстаўка да 65-годдзя мастака, Музей сучаснага выяўленчага мастацтва^[4]
• 2012 — «Акно маёй душы», галерэя «Ла-Сандр арт», Мінск^[5]
• 2013 — персанальная выстаўка ў рамках ХХ фестываля песні і музыкі «Дняпроўскія галасы ў Дуброўне»^[6]
• 2017 — мемарыяльная выстаўка, Палац мастацтва, Мінск^[7]

Фотагалерэя

• 
  На вернісажы у НММ 12 студзеня 2013 года: Юрый Гаўрын, Барыс Луцэнка, Ларыса Фінкельштэйн, Генадзь Бураўкін, Павел Семчанка, Наталля Шаранговіч
• 
  З Аляксандрам Грышкевічам на вернісажы ў Музеі Сучаснага мастацтва Беларусі, 12 снежня 2013
• 
  Юрый Гаўрын з дачкой Ладай Стэфановіч на вернісажы ў мінскім Палацы мастацтва 18 чэрвеня 2014

Зноскі

1. В Минске открылась выставка художника Юрия Гаврина (руск.) Архівавана 13 лістапада 2017.
2. BelArtUnion. Выстаўка памяці мастака і педагога Юрыя Гаўрына Архівавана 9 снежня 2017.
3. АртДайджест — Минск. Фотоальбом «Художник Юрий Гаврин». Предисловие Татьяны Бембель (руск.)
4. Барыс Крэпак «У пошуках зямнога раю», kimpress.by(недаступная спасылка)
5. ctv.by «Акно маёй душы»(недаступная спасылка)
6. Ганаровыя грамадзяне горада Дуброўна(недаступная спасылка)
7. Выстава памяці мастака і педагога Юрыя Гаўрына Архівавана 9 снежня 2017.