Іосіф Іванавіч Чугашвілі

Іосіф Іванавіч Чугашві́лі (груз. იოსებ ივანეს ჩუგოშვილი, нар. 27 чэрвеня 1986) — беларускі барэц грэка-рымскага стылю. Прызёр чэмпіянатаў Еўропы і Еўрапейскіх гульняў, чэмпіён Беларусі ў 2010, 2014 і 2015 гадах. Старэйшы брат Георгія Чугашвілі.

Іосіф Чугашвілі
Пол	мужчынскі пол
Поўнае імя	Іосіф Іванавіч Чугашвілі
Спецыялізацыя	Грэка-рымская барацьба
Нарадзіўся	29 ліпеня 1986(1986-07-29) (39 гадоў) Тэлаві, Тэлаўскі муніцыпалітэт[d], Грузінская ССР, СССР
Грамадзянства	Беларусь
Рост	188 см
Вага	130 кг
Узнагароды і медалі Грэка-рымская барацьба (Мужчыны) Еўрапейскія гульні Бронза Баку 2015 да 130 кг Чэмпіянаты Еўропы Бронза Тамперэ 2008 да 120 кг Бронза Рыга 2016 да 130 кг Чэмпіянаты Беларусі Золата Магілёў 2010 да 120 кг Золата Брэст 2014 да 130 кг Золата Ліда 2015 да 130 кг

У Вікіпедыі ёсць артыкулы пра іншых людзей з прозвішчам Чугашвілі.

Біяграфія

Нарадзіўся ў 1986 годзе ў Тэлаві (Грузінская ССР, СССР). Ва ўзросце 8 гадоў пераехаў у Беларусь разам з бацькамі, але потым на пэўны час вярнуўся ў родны горад, дзе працягваў навучанне ў мясцовай школе. У Беларусі сям'я Чугашвілі пасялілася ў Гатаве пад Мінскам^[1].

У 2008 годзе стаў бронзавым прызёрам чэмпіянату Еўропы ў Тамперэ. Чэмпіён Беларусі 2010 года ў вагавай катэгорыі да 120 кг.

У 2012 годзе прыняў удзел у Алімпійскіх гульнях у Лондане, але заняў там толькі 5-е месца.

Чэмпіён Беларусі па грэка-рымскай барацьбе 2014 года ў вагавай катэгорыі да 130 кг. У 2015 годзе заваяваў бронзавы медаль на Еўрапейскіх гульняў у Баку.

Чэмпіён Беларусі па грэка-рымскай барацьбе 2015 года ў вагавай катэгорыі да 130 кг. У тым жа годзе заваяваў бронзавы медаль на чэмпіянаце Еўропы 2016 года ў Рызе.

Зноскі

1. Иосиф Чугошвили: я все забросил, только тренируюсь и сплю, никуда не хожу