Іпамея пурпуровая

Іпаме́я пурпуровая^[1] (Ipomoea purpurea) — кветкавая расліна роду Іпамея (Ipomoea) сямейства Бярозкавыя (Convolvulaceae).

Іпамея пурпуровая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Паслёнакветныя Сямейства:  Бярозкавыя Падсямейства:  Convolvuloideae Трыба:  Ipomoeeae Род:  Іпамея Від:  Іпамея пурпуровая
Міжнародная навуковая назва
Ipomoea purpurea (L.) Roth (1787)
Выявы на Вікісховішчы ITIS   30789 NCBI   4121 EOL   580944 IPNI   30043043-2 TPL   tro-8500061

Батанічнае апісанне

Батанічная ілюстрацыя з кнігі У. Кёртыса «Curtis’s Botanical Magazine», 1787

Агульны выгляд расліны

Аднагадовая ліяна з павойным апушаным сцяблом даўжынёй да 3 метраў і болей^[2]. Лісце простае, шырокае, авальнай або сэрцападобнай формы з вострай верхавінкай, на доўгіх чаранках, чаргаванае па даўжыні сцябла. Кветкі звычайна адзіночныя, буйныя, да 5 і болей^[3] сантыметраў у дыяметры. Вяночак пурпуровы, ружовы, блакітны або амаль белы, з плямамі і палоскамі розных адценняў. Песцік з 2—3-паасобным рыльцам^[2]. Плод — сухая каробачка.

Распаўсюджанне і экалогія

Расліна распаўсюджана ва ўмераных тропіках Амерыкі. Заносны від у іншых рэгіёнах. Вырошчваецца ў якасці дэкаратыўнай расліны. Месцамі расце як пустазелле. Святлолюбівая расліна, мезафіт і мезатроф^[3]. На тэрыторыі Беларусі цвіце з чэрвеня па верасень^[1].

Зноскі

1. БелЭн 1998.
2. ДР СССР 1986.
3. Ипомея пурпурная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)