Іса (возера)

І́са — возера ў Беларусі, у Гарадоцкім раёне Віцебскай вобласці на мяжы з Расіяй, у басейне ракі Обаль, за 40 км на поўнач ад горада Гарадок, за 8,5 км на паўднёвы захад ад гарадскога пасёлка Езярышча.

Іса
Морфаметрыя
Вышыня над узроўнем мора	160,7 м
Даўжыня	1,03 км
Шырыня	0,53 км
Плошча	0,38 км²
Аб’ём	0,00022 км³
Даўжыня берагавой лініі	3,05 км
Найбольшая глыбіня	1,3 м
Сярэдняя глыбіня	0,6 м
Гідралогія
Салёнасць	да 0,1 ‰
Празрыстасць	1,3 м
Басейн
Плошча вадазбору	30,5 км²
Упадаюць	ручай, ручай Чарнуя
Выцякаюць	ручай Чарнуя
Размяшчэнне
Краіна	Беларусь
Рэгіён	Віцебская вобласць
Іса
Іса

Возера знаходзіцца сярод забалочанага лесу. Плошча паверхні возера складае 0,38 км². Найбольшая глыбіня 1,3 м, сярэдняя 0,8 м. Даўжыня 1,03 км. Найбольшая шырыня 0,53 км. Даўжыня берагавой лініі 3,05 км. Аб’ём вады 0,22 млн м³. Плошча вадазбору 30,5 км². Катлавіна рэшткавага тыпу. Схілы катлавіны невыразныя. Берагавая лінія моцназвілістая. Берагі сплавінныя. Пойма шырынёй 20—100 м, забалочаная. Дно выслана сапрапелем. Возера дыстрофнае, слабапраточнае. Поўнасцю зарастае. На возеры 3 астравы агульнай плошчай 0,4 га. Праз возера цячэ ручай Чарнуя.

У возеры водзяцца лінь, шчупак, акунь, карась, плотка, краснапёрка.

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 14. — 72 с. — 10 000 экз. — ISBN 978-985-508-136-5. (руск.)
• Ліст карты N-35-12. Выданне 1987 г. Стан мясцовасці на 1984 год. (руск.)