Іахім Глінскі

Іаахім Глінскі (1853, Будслаў, Мядзельскі раён — 16 сакавіка 1898) — беларускі спявак, педагог, арганіст і кампазітар ^[1], усе творы якога да нядаўняга часу лічыліся згубленымі.

Іаахім Глінскі
Дата нараджэння	1853
Месца нараджэння	Будслаў, Вілейскі павет, Віленская губерня, Расійская імперыя
Дата смерці	16 сакавіка 1898(1898-03-16)
Альма-матар	Санкт-Пецярбургская дзяржаўная кансерваторыя імя М. А. Рымскага-Корсакава
Музычная дзейнасць
Прафесіі	спявак, педагог, арганіст, кампазітар
Інструменты	вакал

У Вікіпедыі ёсць артыкулы пра іншых людзей з прозвішчам Глінскі.

Біяграфія

Нарадзіўся ў в. Будслаў у сям’і мясцовага арганіста. Вучыўся ў Пецярбургскай кансерваторыі адразу на двух факультэтах: фартэпіянным і кампазітарскім. Педагогам па класе органа ў яго быў Луі (Людвіг) Гаміліус. Пасля заканчэння кансерваторыі Глінскі працаваў арганістам у Гродзенскім касцёле бернардзінцаў і выкладаў спевы ў Гродзенскай жаночай гімназіі. З 1883 — арганіст у касцёле пры Вастрабрамскай капліцы ў Вільні. Там жа кіраваў касцёльных хорам.

Затым заняў месца арганіста ў віленскім касцёле Святога Яна, а пазней — у касцёле Святога Духа. Выкладаў у Віленскай рымска-каталіцкай семінарыі.

Удзельнік руска-турэцкай вайны 1877-78 гадоў^[1].

Творчасць

Пісаў гімны, месы  (руск.), літаніі  (руск.), музыку на словы А. Міцкевіча (песня «Першацвет») і У. Сыракомлі (песня «Малітва»), танцы і маршы  (руск.). Пачаў оперу «Паята» на сюжэт з літоўска-беларускай гісторыі (не скончана)^[1].

Творчая спадчына

У касцёле ў Эйшышках даследчыца Святлана Шэйпа адшукала фаліянт, дзе сярод нотных запісаў твораў іншых кампазітараў знайшліся і творы Іахіма Глінскага^[2].

Зноскі

1. Глинский Иоахим // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 151. — 737 с.
2. Светлана Лицкевич. Золотые орехи Эдварда Гирдо (руск.)