Агаціс

Агаціс^[3] (Agathis) — род голанасенных раслін сямейства Араўкарыевыя (Araucariaceae). Буйныя дрэвы з незвычайнай для голанасенных лістападобнай ігліцай. Некаторыя віды маюць вельмі каштоўную драўніну. Каля 20 відаў, распаўсюджаных у паўночнай Аўстраліі, Новай Зеландыі, у Палінезіі, Меланезіі, на паўвостраве Малака, астравах Малайскага архіпелага і на Філіпінах і ў Новай Гвінеі.

Агаціс
Навуковая класіфікацыя
Дамен:  Эўкарыёты Царства:  Расліны Аддзел:  Хвойныя Клас:  Хвойныя Парадак:  Хвоі Сямейства:  Араўкарыевыя Род:  Агаціс
Міжнародная навуковая назва
Agathis Salisb., 1807[1][2]
Выявы на Вікісховішчы ITIS   183484 NCBI   54793 EOL   23806525 IPNI   11616-1

Батанічнае апісанне

Большасць відаў роду — вельмі буйныя вечназялёныя павольнарослыя дрэвы, якія дасягаюць у вышыню 70 м, а ў таўшчыню — 3 м (часам — да 9 м). Выключэнне складаюць толькі Agathis flavescens, максімальная вышыня якога дасягае 12 м, і Agathis ovata, рэдка які перавышае ў вышыню 9 м. Ствалы ў раслін калонападобныя, на значным працягу — без бакавых галін.

Лісце — незвычайнае для голанасенных: лістападобнае, даўжынёй ад 5 да 18 см і шырынёй ад 1 да 6 см; маладое лісце звычайна ружовае ці чырванаватае, дарослае — цёмна-зялёнае. Лісцінка захоўваецца на дрэве ад 15 да 20 гадоў.

Расліны звычайна двудомныя. Мужчынскія стробілы (мікрастробілы) — пазушныя, цыліндрычныя, даўжынёй ад 2 да 6 см і шырынёй да 1 см. Жаночыя стробілы (макрастробілы, шышкі) шарападобныя, радзей шырокацыліндрычныя, дыяметрам ад 6 да 15 см, развіваюцца на канцах кароткіх галін. Насенне — даўжынёй ад 1 да 1,5 см, з адным або двума крыламі.

Зноскі

1. Appendix III: Conserved, protected, and rejected names of genera and subdivisions of genera // International Code of Nomenclature for algae, fungi, and plants (Shenzhen Code) / пад рэд. N. J. Turland, J. H. Wiersema, F. Barrie і інш. — 2018. — ISBN 978-3-946583-16-5

   <a href='https://wikidata.org/wiki/Track:Q2402203'></a><a href='https://wikidata.org/wiki/Track:Q56701992'></a><a href='https://wikidata.org/wiki/Track:Q123950'></a><a href='https://wikidata.org/wiki/Track:Q65706483'></a><a href='https://wikidata.org/wiki/Track:Q2460091'></a><a href='https://wikidata.org/wiki/Track:Q5933290'></a>
2. Chase M. W., Farjon A., Maarten J.M. Christenhusz et al. A new classification and linear sequence of extant gymnosperms // Phytotaxa — Magnolia Press, 2011. — Vol. 19, Iss. 1. — P. 55–70. — ISSN 1179-3155; 1179-3163 — doi:10.11646/PHYTOTAXA.19.1.3

   <a href='https://wikidata.org/wiki/Track:Q1364160'></a><a href='https://wikidata.org/wiki/Track:Q15088586'></a><a href='https://wikidata.org/wiki/Track:Q9026433'></a><a href='https://wikidata.org/wiki/Track:Q18920913'></a><a href='https://wikidata.org/wiki/Track:Q2129941'></a><a href='https://wikidata.org/wiki/Track:Q2547723'></a><a href='https://wikidata.org/wiki/Track:Q4807825'></a>
3. Слоўнік іншамоўных слоў : у 2 т. / А. М. Булыка. — Мінск : БелЭн, 1999.  — Т. 1 : А—Л. — 1999. — С. . — 736 с. — ISBN 985-11-0152-4., С.22