Адахаўшчына (Баранавіцкі раён)

У паняцця ёсць і іншыя значэнні, гл. Адахаўшчына.

Ада́хаўшчына^[1] (трансліт.: Adachaŭščyna, руск.: Адаховщина) — вёска ў Баранавіцкім раёне Брэсцкай вобласці. Уваходзіць у склад Крошынскага сельсавета. Размешчана за 10 км на поўнач ад Баранавічаў, каля р. Шчара.

Вёска Адахаўшчына Краіна Беларусь Вобласць Брэсцкая Раён Баранавіцкі Сельсавет Крошынскі Каардынаты 53°09′12″ пн. ш. 26°09′16″ у. д.HGЯO Насельніцтва ▼40 чал. (2019) Часавы пояс UTC+3 Тэлефонны код +375 163 Паштовыя індэксы 225360 Аўтамабільны код 1 СААТА 1204830003 Адахаўшчына на карце Беларусі ±

Адахаўшчына на Вікісховішчы

Гісторыя

У 1866 годзе тут пабудавана Ільінская царква, якую наведвала каля 3 тыс. вернікаў (1879). Царкве належала 60 дзесяцін зямлі, у тым ліку 30 дзесяцін ворыва. У 1886 годзе сяло, 2 царквы і школа.

У 1909 годзе сяло і маёнтак у Дараўскай воласці Навагрудскага павета Мінскай губерні. З 1921 года ў складзе Польшчы, Дараўскай гміне Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.

У Вялікую Айчынную вайну з чэрвеня 1941 года да ліпеня 1944 года акупіравана нямецка-фашысцкімі захопнікамі, якія ў 1944 годзе спалілі вёску і загубілі З жыхароў. На франтах вайны загінулі 11 вяскоўцаў.

Да 22 сакавіка 1962 года вёска ўваходзіла ў склад Лаўрынавіцкага сельсавета^[2].

У 1970 годзе да яе далучаны суседнія вёскі Адахаўшчына 2-я і Адахаўшчына 3-я.

Да 26 чэрвеня 2013 года вёска ўваходзіла ў склад Каўпеніцкага сельсавета^[3].

Насельніцтва

• XIX стагоддзе:
  • 1886 — 63 двары, 580 жыхароў.
• XX стагоддзе:
  • 1909 — 161 двор, 1070 жыхароў.
  • 1940 — 76 гаспадарак, 238 жыхароў.
  • 1959 — 508 жыхароў.
  • 1998 — 33 двары, 34 жыхары.
• XXI стагоддзе:
  • 2005 — 77 жыхароў, 53 гаспадаркі.

Інфраструктура

Працуе магазін.

Славутасці

• Свята-Ільінская царква

Вядомыя асобы

• М. І. Ігнатовіч — беларускі дзяржаўны дзеяч.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Рашэнні выканкома Брэсцкага абласнога Савета дэпутатаў працоўных ад 15 студзеня і 22 сакавіка 1962 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1962, № 19 (978).
3. Решение Брестский облсовет 286 26.06.2013 Об изменениях в административно-территориальном устройстве Барановичского района Брестской области (руск.). Архівавана з першакрыніцы 2 жніўня 2015. Праверана 2 жніўня 2015.