Лаўрынавіцкі сельсавет (Баранавіцкі раён)

У паняцця ёсць і іншыя значэнні, гл. Лаўрынавіцкі сельсавет.

Лаўры́навіцкі сельсавет — былая адміністрацыйна-тэрытарыяльная адзінка ў складзе Баранавіцкага раёна Брэсцкай вобласці. Цэнтр — вёска Лаўрынавічы.

Лаўрынавіцкі сельсавет
Краіна	Беларуская ССР
Уваходзіў у	Навамышскі раён
Уключаў	13 населеных пунктаў
Адміністрацыйны цэнтр	Лаўрынавічы
Дата ўтварэння	16 ліпеня 1954
Дата скасавання	22 сакавіка 1962

Утвораны 16 ліпеня 1954 года ў складзе Навамышскага раёна Брэсцкай вобласці БССР шляхам аб’яднання скасаваных Дубаўскага і Русінскага сельсаветаў^[1]. З 8 красавіка 1957 года ў складзе Баранавіцкага раёна. 22 сакавіка 1962 года скасаваны, тэрыторыя далучана да Велікалуцкага (4 населеныя пункты: Грабавец, Капані, Крыжыкі і Русіно) і Каўпеніцкага (9 населеных пунктаў: Адахаўшчына I, Адахаўшчына II, Адахаўшчына III, Бор, Гірава, Дубава, Заброддзе, Лаўрынавічы і Якімавічы) сельсаветаў^[2].

На момант скасавання ў склад сельсавета ўваходзілі 13 населеных пунктаў.