Азола каралінская

Азола каралі́нская (Azolla caroliniana) — папараць з роду азола (Azolla) сямейства азолавых або па іншай класіфікацыі сальвініевых (Salviniaceae).

Азола каралінская
Навуковая класіфікацыя
Дамен:  Эўкарыёты Царства:  Расліны Аддзел:  Папарацепадобныя Клас:  Папараці Парадак:  Сальвініі Сямейства:  Сальвініевыя Род:  Азола Від:  Азола каралінская
Міжнародная навуковая назва
Azolla caroliniana Willdenow, 1810
Выявы на Вікісховішчы ITIS   18008 NCBI   39631 EOL   597508 IPNI   17056910-1 TPL   tro-26602846

Пашырана ў стаячых або слаба праточных вадаёмах Паўночнай і Паўднёвай Амерыкі, утварае месцамі вялікія зараснікі. На тэрыторыі Беларусі выкарыстоўваецца як акварыумная расліна.

Плавае на паверхні вады. Карэнішча даўжынёй да 25 см. Дробнае лісце парамі, накшталт дахоўкі ўкрывае галінастае сцябло. Верхні сегмент ліста зялёны, выступае над вадой, ніжні ў вадзе, на ім развіваюцца сорусы. Зверху расліна блакітна-зялёная, знізу ружовая.

Культывуюць у акварыумах пры яркім верхнім асвятленні, пры тэмпературы 10—25 °С. На зіму расліна адмірае, каб зберагчы, яе змяшчаюць у вільготную вату ці марлю ў адкрыты посуд.

Літаратура

• Азола каралінская // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 50. — 575 с., іл. — 10 000 экз.

Спасылкі

• Азолла каролинская: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)