Аквапоніка
From Wikipedia, the free encyclopedia
Remove ads
Аквапоніка (ад лац.: aqua «вада» і грэч. πόνος «праца») — комплексная сістэма вытворчасці прадуктаў харчавання праз спалучэнне гідрапонікі і аквакультуры.
Гісторыя
Полікультурныя сістэмы, якія сумяшчалі вырошчванне наземных раслін, асабліва рысу, і рыбы, з’явіліся ў сярэднявеччы на поўдні Кітая і краінах Паўднёва-Усходняй Азіі. У 1985 годзе масачусетскія навукоўцы прапанавалі камерцыйную ўстаноўку, названую аквапонікай, якая ўключала аўтаматызаваную сістэму фільравання і аэрацыі. Першасна прыхільнікі аквапонікі арыентаваліся на цалкам замкнёны цыкл вытворчасці без унясення хімічных угнаенняў і такім чынам планавалі стварэнне асобнай галіны арганічнай сельскай гаспадаркі. Аднак угнаенне раслінных пасадак толькі адыходамі жыццядзейнасці рыб пакуль не дасягае рэнтабельнасці, патрэбнай для камерцыйнай вытворчасці. У нашы дні працягваюцца даследаванні з мэтай падвышэння эфектыўнасці аквапонных установак.
Remove ads
Тэхналогія
Аквапоніка адносіцца да тэхналогіі вырошчвання рыбы і раслін разам. Расліны сілкуюцца адыходамі жыццядзейнасці рыб.
У аквапоніцы існуюць два асноўных тыпа культывавання раслін:
- Субстратны
- Апускання
Субстратнае вырошчванне заснавана на наяўнасці друзлага або нават сітаватага субстрату, на якім растуць расліны. Цыклічна субстрат затапляецца пажыўным растворам. Пры апусканні расліны замацаваны на сітаватых плытах, што знаходзяцца на паверхні раствору, у які апушчаны карані раслін. У апошім выпадку раствор можа адначасова з’яўляцца асяроддзем, населеным рыбамі. Аднак у сучаснай аквапоніцы прынята падзяляць прасторы для вырошчвання раслін і рыб.
Кіраванне сістэмай аквапонікі ўключае:
- Сталы маніторынг
- Даданне ўгнаенняў
- Запаволенне назапашвання аміяку
- Фільтраванне
- Аэрацыя
- Падтрымка тэмпературнага рэжыму, ад якога залежаць як расліны, так і рыба, а таксама вільготнасці паветра
- Кантроль росту водарасцей
Прамысловыя аквапонныя ўстаноўкі звычайна аўтаматызаваны.
Remove ads
Літаратура
- Connell, S. Beginner's Guide to Aquaponics: Step-by-Step Systems for Plants and Fish. — Emeryville, California: Rockridge Press, 2020. — ISBN 978-1647397487.
Спасылкі
 |
Аквапоніка на Вікісховішчы |
|---|
Wikiwand - on
Seamless Wikipedia browsing. On steroids.
Remove ads