Аксітанія (рэгіён)

Аксіта́нія (фр.: Occitanie, акс.: і катал.: Occitània) — рэгіён Францыі, створаны ў адпаведнасці з тэрытарыяльнай рэформай французскіх рэгіёнаў 2014 года ў выніку аб’яднання рэгіёнаў Лангедок-Русільён і Поўдзень-Пірэнеі. Датай стварэння новага рэгіёна лічыцца 1 студзеня 2016 года.

Аксітанія
фр.: Occitanie фр.: La Région Occitanie / Pyrénées-Méditerranée акс.: Occitània
Сцяг[d] Герб
Краіна	Францыя[1]
Уваходзіць у	Метраполія Францыі
Адміністрацыйны цэнтр	Тулуза
Кіраўнік	Кароль Дэльга[d]
Насельніцтва	▲6 080 731 чал. (1 студзеня 2022)[2]
Плошча	72 724 км²
Часавы пояс	UTC+1 і UTC+2
Код ISO 3166-2	FR-OCC
Афіцыйны сайт (фр.)
Медыяфайлы на Вікісховішчы

Геаграфія

Рэгіён (агульная плошча 72 724 км²) — другі па велічыні на тэрыторыі метраполіі Францыі. Ён размешчаны на поўдні краіны і мяжуе з рэгіёнам Новая Аквітанія на захадзе і на паўночным захадзе, Авернь — Рона — Альпы на паўночным усходзе, Праванс — Альпы — Блакітны Бераг на ўсходзе. На поўдні рэгіён мяжуе з Іспаніяй і Андорай. З паўднёвага ўсходу рэгіён абмываецца Міжземным морам.

Па тэрыторыі рэгіёна працякае адна з пяці Вялікіх рэк Францыі — Гарона. З поўдня рэгіён аддзелены ад Іспаніі горным хрыбтом Пірэнеяў.