Алтэя лекавая

Алтэ́я лекавая (Althaea officinalis) — від кветкавых раслін з роду Алтэя (Althaea) сямейства Мальвавыя (Malvaceae).

Алтэя лекавая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Мальвакветныя Сямейства:  Мальвавыя Падсямейства:  Malvoideae Трыба:  Malveae Род:  Алтэя Від:  Алтэя лекавая
Міжнародная навуковая назва
Althaea officinalis L. (1753)
Сінонімы
Althaea kragujevacensis Pancic Althaea multiflora Rchb. ex Regel Althaea sublobata Stokes Althaea taurinensis DC. Althaea vulgaris Bubani Malva althaea E.H.L.Krause Malva maritima Salisb. Malva officinalis (L.) K.F.Schimp. & Spenn.
Сістэматыка на Віківідах Выявы на Вікісховішчы ITIS   21610 NCBI   145745 EOL   584767 GRIN   t:2721 IPNI   558872-1 TPL   kew-2631597

Батанічнае апісанне

Батанічная ілюстрацыя з кнігі «Köhler’s Medizinal-Pflanzen», 1887

Шматгадовая травяністая расліна вышынёй да 150^[1] см з тоўстымі мясістымі каранямі. Сцябло прамое, моцнае, апушанае. Лісце простае, зубчастае, апушанае, чаргаванае па даўжыні сцябла. Кветкі бледна-ружовага колеру, на кветаножках даўжынёй 2—4 см, у пазухах лісця. Плод — сухая сямянка.

Распаўсюджанне і экалогія

Расліна распаўсюджана на тэрыторыі Еўразіі і ў Паўночнай Афрыкі, як заносны від — у Паўночнай Амерыцы. Расце ў парках і садах, па берагах вадаёмаў, на ўзлесках, нізінных балотах. Размнажаецца пераважна насеннем.

Выкарыстанне

Лекавая, кармавая, дэкаратыўная, меданосная расліна. Прэпараты з каранёў расліны выкарыстоўваюцца ў медыцыне ў якасці адхарквальнага, змякчальнага і процізапаленчага сродку^[1].

Зноскі

1. Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1.