Альковіцкі сельсавет

Алько́віцкі сельсавет — былая адміністрацыйна-тэрытарыяльная адзінка ў складзе Вілейскага раёна Мінскай вобласці Беларусі. Адміністрацыйны цэнтр — вёска Альковічы.

Альковіцкі сельсавет
Краіна	Беларусь
Уваходзіць у	Вілейскі раён
Уключае	22 населеныя пункты
Адміністрацыйны цэнтр	Альковічы
Дата ўтварэння	12 кастрычніка 1940
Дата скасавання	28 мая 2013
Насельніцтва (2011)	1 472
Плошча	186 км²
Часавы пояс	UTC+03:00
Код аўтам. нумароў	5

Гісторыя

Будынак былой адміністрацыі Альковіцкага сельсавета

Утвораны 12 кастрычніка 1940 года ў складзе Ільянскага раёна Вілейскай вобласці БССР. З 20 верасня 1944 года ў складзе Маладзечанскай вобласці. 16 ліпеня 1954 года да сельсавета далучана тэрыторыя скасаванага Ракшыцкага сельсавета^[1]. З 24 ліпеня 1957 года сельсавет у складзе Вілейскага раёна. 28 мая 2013 года сельсавет скасаваны, яго тэрыторыя далучана да Ільянскага сельсавета^[2].

Насельніцтва

Насельніцтва сельсавета паводле перапісу 2009 года складала 1435 чалавек^[3], з іх 97,4 % — беларусы, 1,4 % — рускія^[4].

Населеныя пункты

• 1 студзеня 1947 года — 9

На момант скасавання ў склад сельсавета ўваходзілі 22 населеныя пункты: вёскі Адамоўшчына, Акцябрская, Альковічы, Аўсянікі, Забалацце, Зацемень, Каранёва, Крайскія Пасекі, Маразы, Мацькаўскія Пасекі, Мацькаўцы, Пабядзіцель, Ракшыцы, Рушчыцы, Сачыўкі, Скарада, Стайкі, Старынкі, Хадасы, Харкі, Юнцавічы і хутар Крынічына.

Вядомыя асобы

• Міхал Бароўскі  (польск.) (1872—1939) — польскі контр-адмірал і інжынер, нарадзіўся ў маёнтку Юнцавічы.
• Кандрат Церах — міністр гандлю СССР (1986—1991). Нарадзіўся ў вёсцы Альковічы.