Ільянскі сельсавет

Ілья́нскі сельсавет — адміністрацыйна-тэрытарыяльная адзінка ў складзе Вілейскага раёна Мінскай вобласці Беларусі. Цэнтр — аграгарадок (да 2010 г. вёска) Ілья.

Ільянскі сельсавет
Краіна	Беларусь
Статус	Сельсавет
Уваходзіць у	Вілейскі раён
Уключае	50 населеных пунктаў
Адміністрацыйны цэнтр	аграгарадок Ілья
Дата ўтварэння	12 кастрычніка 1940
Старшыня сельсавета	Мікуцкі Аляксандр Канстанцінавіч[1]
Кіраўнік справамі	Гараніна Вольга Чаславаўна
Юрыдычны адрас сельвыканкама	222431, в. Ілья, вул. Школьная, 1д
Насельніцтва (2019)	4 014
Плошча	400,5 км²
Часавы пояс	UTC+3
Тэлефонны код	+375 1771
Код аўтам. нумароў	5
Афіцыйны сайт

Гісторыя

Утвораны 12 кастрычніка 1940 года ў складзе Ільянскага раёна Вілейскай вобласці БССР. З 20 верасня 1944 года ў складзе Маладзечанскай вобласці. 16 ліпеня 1954 года да сельсавета далучана тэрыторыя скасаванага Шыпкоўскага сельсавета^[2]. З 24 ліпеня 1957 года пасля скасавання Ільянскага раёна сельсавет у складзе Вілейскага раёна. 6 верасня 1957 года да сельсавета далучана тэрыторыя скасаванага Суднікоўскага сельсавета^[3]. З 20 студзеня 1960 года сельсавет у складзе Мінскай вобласці. 28 мая 2013 года да сельсавета далучана тэрыторыя скасаванага Альковіцкага сельсавета (22 населеныя пункты: вёскі Адамоўшчына, Акцябрская, Альковічы, Аўсянікі, Забалацце, Зацемень, Каранёва, Крайскія Пасекі, Маразы, Мацькаўскія Пасекі, Мацькаўцы, Пабядзіцель, Ракшыцы, Рушчыцы, Сачыўкі, Скарада, Стайкі, Старынкі, Хадасы, Харкі, Юнцавічы і хутар Крынічына)^[4].

Дэмаграфія

Усяго насельніцтва (2011 год) у сельсавеце — 4117 чалавек, у тым ліку:

• Пенсіянераў — 1343 (32,6 %)
• Працаздольных — 2187 (53,1 %)
• Дзяцей ва ўзросце да 16 гадоў — 587 (14,3 %)
• Адзінокіх — 84
• Удзельнікаў Вялікай Айчыннай вайны — 8
• Інвалідаў вайны — 4
• Шматдзетных сем’яў — 64

Дынаміка

• 2000 годзе — 4188 чалавек.
• 2001 годзе — 4152 чалавекі.
• 2002 годзе — 4081 чалавек.
• 2003 годзе — 4004 чалавекі.
• 2004 годзе — 3524 чалавекі.
• 2005 годзе — 3439 чалавек.
• 2006 годзе — 3345 чалавек.
• 2007 годзе — 3241 чалавек.
• 2008 годзе — 3314 чалавек.
• 2009 годзе — 3466 чалавек^[5].
• 2011 годзе — 4117 чалавек.

Насельніцтва сельсавета паводле перапісу 2009 года (28 населеных пунктаў) — 3244 чалавекі^[6], з іх 96,6 % — беларусы, 2,1 % — рускія^[7]; паводле перапісу 2019 года (50 населеных пунктаў) — 4014 чалавек^[8].

Склад

Ільянскі сельсавет уключае 50 населеных пунктаў:

• Абадоўцы — вёска.
• Адамоўшчына — вёска.
• Акцябрская — вёска.
• Альковічы — вёска.
• Альхоўка — вёска.
• Асцюковічы — вёска.
• Аўсянікі — вёска.
• Барсукі — вёска.
• Баяры — вёска.
• Будзішча — вёска.
• Бязводняе — вёска.
• Гараватка — хутар.
• Дварэц — вёска.
• Забалацце — вёска.
• Забор'е — вёска.
• Зарэчча — вёска.
• Зацемень — вёска.
• Ілья — вёска.
• Ільянскія Хутары — вёска.
• Кавалі — вёска.
• Казлы — вёска.
• Калодчына — вёска.
• Капусціна — вёска.
• Каранёва — вёска.
• Карытніца — вёска.
• Катоўка — хутар.
• Каўшэвічы — вёска.
• Крайскія Пасекі — вёска.
• Крыніца-1 — вёска.
• Крыніца-2 — вёска.
• Лёпаўшчына — вёска.
• Маразы — вёска.
• Мацькаўскія Пасекі — вёска.
• Мацькаўцы — вёска.
• Пабядзіцель — вёска.
• Партызанскі — пасёлак.
• Ракшыцы — вёска.
• Рушчыцы — вёска.
• Сакалы — вёска.
• Сачыўкі — вёска.
• Скарада — вёска.
• Стайкі — вёска.
• Старынкі — вёска.
• Суднікі — вёска.
• Хадасы — вёска.
• Харкі — вёска.
• Крынічына — хутар.
• Цагельня — вёска.
• Шчарачыха — вёска.
• Юнцавічы — вёска.

Эканоміка

Сельгаспрадпрыемствы

• Камунальнае сельскагаспадарчае прадпрыемства «Стайкі»
• Філіял ААТ «Гармалзавод № 2» «Юнік-Агра»
• Філіял ЗАТ «Ростэм» «Аграфірма Ілья»

Лясная гаспадарка

• Ільянскае лясніцтва ДДЛГУ «Вілейскі доследны лясгас»
• Філіял сумеснага прадпрыемства «Мінскі мэблевы цэнтр ТАА» «Ільянская лесапільная вытворчасць»

Гандаль

Магазіны ў вёсках Абадоўцы, Ілья, Старынкі, Хадасы, Забалацце, Юнцавічы, Мацькаўцы, Стайкі, пасёлку Партызанскі.

Сувязь

• Аддзяленні паштовай сувязі ў вёсках Ілья, Мацькаўцы, Забалацце, пасёлку Партызанскі.
• Лінейна-тэхнічны ўчастак электрасувязі ў Ільі.

Бытавое абслугоўванне

Комплексныя прыёмныя пункты КУП «Вілейскі КБА» ў Ільі, Мацькаўцах, Партызанскім.

Адукацыя

• Дзяржаўная ўстанова адукацыі «Ільянская сярэдняя школа імя Грымаця».
• Залескі вучэбна-педагагічны комплекс дзяцячы садок-сярэдняя школа Вілейскага раёна".
• Дзяржаўная ўстанова адукацыі «Мацькаўскі ВВК дзіцячы садок-сярэдняя школа».
• Установа адукацыі «Ільянскі дзяржаўны аграрны каледж».
• Дзяржаўная ўстанова адукацыі «Ільянскі яслі-садок».
• Дзіцячая музычная школа мастацтваў.

Культура

• Ільянскі дом культуры.
• Партызанскі сельскі дом культуры.
• Забалацкі сельскі дом культуры.
• Мацькаўскі сельскі дом культуры.
• Бібляітэкі ў вёсках Абадоўцы, Ілья, Забалацце, Мацькаўцы, пасёлку Партызанскі.

Ахова здароўя

• Ільянская ўчастковая бальніца з аддзяленнем паліятыўнай медыцынскай дапамогі^[9].
• Мацькаўская амбулаторыя
• Забалацкі ФАП
• Абадоўскі ФАП
• Партызанскі ФАП
• Аптэка ў Ільі.

Вядомыя асобы

• Змітрок Бядуля — класік беларускай літаратуры. Вучыўся ў ешыбоце ў Ільі. ^[10].
• Адам Грымаць (1938-2000) — навуковец-педагог, прафесар. Нарадзіўся ў Ільі. Яго іменем названая школа ў цэнтры сельсавета^[11].
• Янка Філістовіч — адзін з арганізатараў антысавецкага падполля на тэрыторыі былога Ільянскага раёна ў 1950-х гадах.
• Кандрат Церах — міністр гандлю СССР (1986—1991). Нарадзіўся ў вёсцы Альковічы.