Стайкі (Вілейскі раён)

Ста́йкі^[1] (трансліт.: Stajki, руск.: Стайки) — вёска ў Вілейскім раёне Мінскай вобласці. Уваходзіць у склад Ільянскага сельсавета.

Вёска Стайкі Краіна Беларусь Вобласць Мінская Раён Вілейскі Сельсавет Ільянскі Каардынаты 54°28′16″ пн. ш. 27°25′59″ у. д.HGЯO Насельніцтва ▼142 чал. (2009) Часавы пояс UTC+3 Тэлефонны код +375 1771 Паштовыя індэксы 222442 Аўтамабільны код 5 Стайкі Стайкі Стайкі

Стайкі на Вікісховішчы

У паняцця ёсць і іншыя значэнні, гл. Стайкі.

Гісторыя

Стайкі (1901—1939 гг.)

У 1706 годзе згадваецца як цэнтр маёнтка ў Мінскім ваяводстве ВКЛ^[2]. Згадваецца ў 1794 годзе як вёска ў фальварку Стайкі, уласнасць Людвігі Багдановіч. На 1800 год у маёнтку Старынкі, 14 двароў, 94 жыхары. У 1834 годзе вотчынны маёнтак Вікенція Багдановіча; 411 сялянскіх душ. На 1865 год у Крайскай воласці, уласнасць Севярына Багдановіча: маёнтак (288 сялян, 31 аднадворац), фальварак (1 двор, 26 жыхароў) і вёска (14 двароў, 12 жыхар). У 1886 годзе адкрыта школа граматы. Паводле перапісу 1897 года 46 двароў, 437 жыхароў; хлебазапасны магазін; маёнтак (4 двары), пасёлак (4 двары, 13 жыхароў). У 1902 годзе заснаваны вінакурны завод. На 1908 год цэнтр сельскай грамады ў Крайскай воласці Вілейскага павета Віленскай губерні, 27 двароў, 343 жыхары, 354 дзес. надзелаў.

На 1938 год у Ільянскай вясковай гміне, уласнасць Міхаіла Багдановіча (4 двары, 43 жыхары) і вёска (91 двор, 483 жыхары). У лістападзе 1939 года далучаны да БССР, з 15 студзеня 1940 года ў Ільянскім раёне Вілейскай вобласці, з 12 кастрычніка 1940 года ў Альковіцкім сельсавеце, створаны калгас імя Чырвонай Арміі.

З чэрвеня 1941 года да 3 ліпеня 1944 года акупіраваны нямецка-фашысцкімі захопнікамі. 3 фронту не вярнуліся 15 жыхароў.

3 20 верасня 1944 года ў Ільянскім, з 20 ліпеня 1957 года ў Вілейскім раёнах Маладзечанскай вобласці. У лістападзе 1945 года створаны калгас імя К. Варашылава, які ў 1947 годзе аб’яднаў 22 гаспадаркі, 2010 га ворыва. На 1960 год у вёсцы 506 жыхароў, на 1988 год — 139 гаспадарак, 296 жыхароў; у складзе саўгаса «Стайкі», пачатковая школа, клуб, бібліятэка, крама^[3].

У 2003 годзе 104 двары, 187 жыхароў; клуб, магазін. 28 мая 2013 года вёска перададзена са скасаванага Альковіцкага сельсавета ў Ільянскі сельсавет^[4].

Сядзіба Багдановічаў у Стайках (2020)

Славутасці

• Сядзібна-паркавы комплекс «Двор Стайкі»^[5]

Вядомыя асобы

• Людміла Браніславаўна Падлужная (нар. 1964) — беларускі педагог і палітык.

Зноскі

1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. НГАБ у Мінску, ф. 1727, воп. 1, спр. 7, с. 1331
3. Ільянскія вандроўкі краязнаўчы маршрут(недаступная спасылка)
4. «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 Архівавана 31 сакавіка 2016. (руск.)
5. ЯК СЦВЯРДЖАЕ ГІСТОРЫЯ, У 1812 ГОДЗЕ Ў МАЁНТКУ СТАЙКІ ПРЫПЫНЯЎСЯ ПЕРАНАЧАВАЦЬ ІМПЕРАТАР НАПАЛЕОН, ПАДЧАС СВАЙГО АДСТУПЛЕННЯ З МАСКВЫ(недаступная спасылка) // Шлях перамогі