Аляксандр Іванавіч Слабада
беларускі палітык From Wikipedia, the free encyclopedia
Remove ads
Аляксандр Іванавіч Слабада (27 жніўня 1920, Дубровы Верхнядзвінскі раён, Віцебская вобласць — 14 лістапада 2022) — беларускі палітык. Герой Сацыялістычнай Працы (1966).
Remove ads
Біяграфія
Нарадзіўся 27 жніўня 1920 года ў в. Дубровы.
Працоўную дзейнасць пачаў у 1937 годзе трактарыстам. У верасні 1940 года быў прызваны ў Чырвоную Армію. Службу праходзіў у Прыволжскай ваеннай акрузе чырвонаармейцам 27-га асобнага разведбатальёна 53-й стралковай дывізіі. У 1941—1944 гадах у складзе воінскай часці ў якасці памочніка камандзіра ўзвода ўдзельнічаў у баях на Заходнім і Калінінскім франтах. Быў паранены.
У 1944—1946 гадах — сакратар Гомельскага абкама камсамола, у 1946—1948 гадах — слухач Вышэйшай партыйнай школы, у 1948—1952 гадах — сакратар Бабруйскага абкама камсамола.
З 1952 года — 2-гі сакратар Слуцкага райкама КПБ, старшыня райвыканкама. З 1961 года — сакратар Любанскага РК КПБ, з 1970 года — намеснік старшыні Камітэта народнага кантролю БССР.
Званне Героя Сацыялістычнай Працы прысвоена ў 1966 годзе за высокія паказчыкі ў вытворчасці сельскагаспадарчай прадукцыі. Дэпутат Вярхоўнага Савета БССР у 1963—1967 гадах, дэпутат Вярхоўнага Савета Рэспублікі Беларусь 12-склікання. Кандыдат у члены ЦК КПБ у 1966—1971 гадах.
Памёр 14 лістапада 2022 года[1].
Remove ads
Узнагароды
- Герой Сацыялістычнай Працы (1966)
- ордэн Леніна
- Ордэн Чырвонага Сцяга — двойчы
- Ордэн Працоўнага Чырвонага Сцяга
- Ордэн «Знак Пашаны»
- Ордэн Айчыннай вайны I ступені
- Ганаровы грамадзянін Любані
Зноскі
Літаратура
Wikiwand - on
Seamless Wikipedia browsing. On steroids.
Remove ads