Аляксандр Аляксеевіч Янкоўскі

Аляксандр Аляксеевіч Янкоўскі (нар. 27 мая 1911  — 16 мая 1999, Краснаярск) — работнік чыгуначнай гаспадаркі, Герой Сацыялістычнай Працы (1943).

Аляксандр Аляксеевіч Янкоўскі
Род дзейнасці	палітык
Дата нараджэння	27 мая 1911(1911-05-27)
Месца нараджэння	Орша, Аршанскі павет, Магілёўская губерня, Расійская імперыя
Дата смерці	16 мая 1999(1999-05-16) (87 гадоў)
Месца смерці	Краснаярск, Краснаярскі край, Расія
Грамадзянства	СССР  Расія
Узнагароды і прэміі

У паняцця ёсць і іншыя значэнні, гл. Янкоўскі.

Біяграфія

З 1927 года працаваў у Аршанскім дэпо слесарам, памочнікам машыніста, машыністам намесніка начальніка дэпо па паліўна-складской гаспадарцы.

У 1941–1945 гадах – машыніст, намеснік начальніка паравознай калоны асаблівага рэзерву Народнага камісарыята шляхоў паведамлення № 3.

За асаблівыя заслугі ў забеспячэнні перавозак для фронта і народнай гаспадаркі і выдатныя дасягненні ў аднаўленні чыгуначнай гаспадаркі ў цяжкіх умовах ваеннага часу Аляксандру Янкоўскаму ў 1943 годзе прысвоена званне Героя Сацыялістычнай Працы.

У 1945–1953 гадах зноў працаваў у паравозным дэпо Орша. Пазней працаваў начальнікам службы лакаматыўнай гаспадаркі ў Краснаярску.

З 22 мая 1968 года – персанальны пенсіянер саюзнага значэння.

Памёр Аляксандр Янкоўскі ў Краснаярску^[1].

Узнагароды

• Герой Сацыялістычнай Працы (1943)
• ордэн Леніна – двойчы
• ордэн Кастрычніцкай Рэвалюцыі
• ордэн Працоўнага Чырвонага Сцяга
• ордэн Айчыннай вайны
• знак «Ганаровы чыгуначнік» – двойчы

Зноскі

1. Янкоўскі Аляксандр Аляксеевіч