Аляксандр Васілевіч Фурсенка

Аляксандр Васілевіч Фурсе́нка (18 студзеня 1903, Сімферопаль, Украіна — 30 верасня 1975) — беларускі палеантолаг. Член-карэспандэнт Акадэміі навук БССР (1950), доктар геолага-мінералагічных навук (1963), прафесар (1937).

Аляксандр Васілевіч Фурсенка
Дата нараджэння	18 студзеня 1903(1903-01-18)
Месца нараджэння	Сімферопаль, Таўрычаская губерня, Расійская імперыя
Дата смерці	30 верасня 1975(1975-09-30) (72 гады)
Месца смерці	Новасібірск, Новасібірская вобласць, РСФСР, СССР
Грамадзянства	Расійская імперыя  СССР
Бацька	Vasily Fursenko[d]
Маці	Margarita Gerke[d]
Дзеці	Aleksandr Aleksandrovich Fursenko[d]
Род дзейнасці	палеантолаг
Месца працы	Усерасійскі навукова-даследчы геалагічны інстытут імя А. П. Карпінскага[d] Расійскі дзяржаўны педагагічны ўніверсітэт імя А. І. Герцэна Інстытут геалагічных навук НАН Беларусі БДУ Trofimuk Institute of Petroleum Geology and Geophysics, Siberian Branch of Russian Academy of Sciences (IPGG SB RAS)[d]
Навуковая ступень	доктар геолага-мінералагічных навук
Навуковае званне	прафесар
Альма-матар	Санкт-Пецярбургскі дзяржаўны ўніверсітэт (1924) Karl May School[d] (1919)
Узнагароды

Біяграфія

Скончыў Ленінградскі ўніверсітэт (1924). У 1930—1941 і 1944—1951 гг. старшы навуковы супрацоўнік, начальнік сектара, лабараторыі Усесаюзнага геолагаразведачнага інстытута, адначасова з 1926 г. на выкладчыцкай працы ў Ленінградскім педагагічным інстытуце і ўніверсітэце. З 1951 г. загадчык лабараторыі Інстытута геалагічных навук АН БССР, адначасова прафесар, загадчык кафедры Беларускага дзяржаўнага ўніверсітэта. У 1964—1975 гг. загадчык лабараторыі Інстытута геалогіі і геафізікі Сібірскага аддзялення АН СССР.

Аўтар прац па мікропалеанталогіі і стратыграфіі, у прыватнасці па біястратыграфічнаму расчляненню тоўшчаў асадкавых горных парод і ўдакладненню становішча нафтавых світ у геалагічных разрэзах розных раёнаў СССР. Даследаваў пытанні палеанталогіі выкапняў прасцейшых з падкласа форамініфер. Правёў палеанталагічныя вывучэнні даантрапагенавых парод у Беларусі, удзельнічаў у складанні геалагічных карт тэрыторыі рэспублікі.

Асноўныя працы

• Фораминиферы верхнего эоцеона Белоруссии и их стратиграфическое значение (совм. с К. Б. Фурсенко) // Палеонтология и стратиграфия БССР. Минск, 1961. Сб.3.
• Введение в изучение фораминифер. Новосибирск: Наука, 1978.

Літаратура

• Беларусь: Энцыкл. даведнік / Беларуская энцыклапедыя; Рэдкал. Б. І. Сачанка (гал. рэд.) і інш.. — Мн.: БелЭн, 1995. — С. 736. — 800 с. — 5 000 экз. — ISBN 985-11-0026-9.
• Фурсенка Аляксандр Васілевіч // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз. — С. 226—225.

Спасылкі

• Александр Васильевич Фурсенко // Беларускі дзяржаўны ўніверсітэт(недаступная спасылка) (руск.)
• Александр Васильевич Фурсенко // Виртуальный проект «Общество Друзей Школы Карла Мая» (руск.)
• Член-корреспондент ФУРСЕНКО Александр Васильевич // Национальная академия наук Беларуси (руск.)
• Аляксандр Васілевіч Фурсенка ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)