Аляксандр Дзмітрыевіч Гронскі

Аляксандр Дзмітрыевіч Гронскі (16 студзеня 1976, Светлагорск, Гомельская вобласць) — беларускі і расійскі гісторык, кандыдат гістарычных навук. Даследуе гісторыю праваахоўных органаў і спецслужбаў Расійскай імперыі кан. XIX — пач. XX ст., а таксама беларускага нацыяналізму і гістарычных міфаў.

Аляксандр Дзмітрыевіч Гронскі
Дата нараджэння	16 студзеня 1976(1976-01-16) (49 гадоў)
Месца нараджэння	Светлагорск, Светлагорскі раён, Гомельская вобласць, Беларуская ССР, СССР
Грамадзянства	Беларусь
Род дзейнасці	гісторык
Месца працы	Беларускі дзяржаўны ўніверсітэт інфарматыкі і радыёэлектронікі
Альма-матар	гістарычны факультэт БДУ
Узнагароды	Грамата Патрыяршага экзарха ўсяе Беларусі[d]

У Вікіпедыі ёсць артыкулы пра іншых людзей з прозвішчам Гронскі.

Біяграфія

Скончыў гістарычны факультэт БДУ (1999), аспірантуру гістарычнага факультэта БДУ. Абараніў кандыдацкую дысертацыю «Палітычная паліцыя Расійскай імперыі і яе дзейнасць на тэрыторыі Беларусі ў другой палове XIX — пачатку ХХ ст.». Дацэнт кафедры гуманітарных дысцыплін факультэта інфармацыйных тэхналогій і кіравання Беларускага дзяржаўнага ўніверсітэта інфарматыкі і радыёэлектронікі (Мінск); вядучы навуковы супрацоўнік Нацыянальнага даследчага інстытута сусветнай эканомікі і міжнародных адносін імя Я. М. Прымакова РАН (Масква).

Аўтар больш за 70 навуковых прац па тэмах: беларускі нацыяналізм, паўстанне 1863 — 1864 гг., праблемы канструявання нацыянальнай ідэнтычнасці, рэвалюцыйны рух у Расійскай імперыі і інш.

Узнагароджаны юбілейным медалём «60 год вызвалення Рэспублікі Беларусь ад нямецка-фашысцкіх захопнікаў» (2005) за значны ўклад у героіка-патрыятычнае выхаванне грамадзян, граматай Патрыяршага Экзарха ўсяе Беларусі (2018) «за працы па адраджэнні памяці мітрапаліта Літоўскага і Віленскага Іосіфа (Сямашкі)»^[1].

Публікацыі

• Кастусь Калиновский: Конструирование героя (руск.) // Беларуская думка. — 2008. — № 2. — С. 82—87.
• Национальный вопрос на страницах газеты «Наша Ніва» (1910 г.) // Западная Русь. — 2010. — 27 июля. (руск.)
• Чыгуначная жандары Паўночна-Заходняга краю падчас Першай сусветнай вайны // Шацілкаўскія чытанні : зборнік навуковых артыкулаў / Светлагорскі гіст.-краязн. музей ; уклад.: Т.В. Маслюкоў. — Выпуск 2. — Светлагорск, 2011. – С. 54—62.
• Унија и политички процеси у Белорусији // Унија: политика Римокатоличке цркве према православним Словенима / приредио Зоран Милошевић. — 2. изд. — Шабац: Центар академске речи. — 2015. — С. 34—50. (серб.)
• Жертвы, герои и враги в мифологии белорусского национализма Архівавана 27 верасня 2016. // publicdiplomacy.su. — 2016. (руск.)

Зноскі

1. Свидетельство № 5-02/169 от 20 декабря 2018 года (нявызн.)(недаступная спасылка). Архівавана з першакрыніцы 3 красавіка 2022. Праверана 18 лістапада 2020.